पीसीएम आणि पीसीबी विद्यार्थ्यांसाठी बीबीए – बीसीए प्रवेशाची सुवर्णसंधी; यशोदा टेक्निकल कॅम्पसमध्ये प्रवेश प्रक्रिया सुरू
सातारा : विज्ञान शाखेतील पीसीएम आणि पीसीबी गटातून बारावी उत्तीर्ण झालेल्या विद्यार्थ्यांसाठी आता व्यवस्थापन आणि संगणक शिक्षण क्षेत्रात करिअर करण्याची मोठी संधी उपलब्ध झाली आहे. महाराष्ट्र शासन आणि राज्य सामायिक प्रवेश परीक्षा कक्षाने जारी केलेल्या नव्या परिपत्रकानुसार पीसीएम आणि पीसीबी गटातील विद्यार्थी आता बीबीए आणि बीसीए अभ्यासक्रमांसाठी प्रवेश घेऊ शकणार आहेत. या निर्णयामुळे विज्ञान शाखेतील हजारो विद्यार्थ्यांसाठी करिअरचे नवे पर्याय खुले झाले असून, यशोदा टेक्निकल कॅम्पसमध्ये या अभ्यासक्रमांच्या प्रवेश प्रक्रियेला उत्स्फूर्त प्रतिसाद मिळत आहे.
यापूर्वी अनेक विद्यार्थी अभियांत्रिकी किंवा वैद्यकीय क्षेत्रापुरतेच मर्यादित राहत होते. मात्र आता शासनाच्या या निर्णयामुळे विज्ञान शाखेतील विद्यार्थ्यांना व्यवस्थापन, माहिती तंत्रज्ञान, डिजिटल व्यवसाय, डेटा व्यवस्थापन आणि संगणक अनुप्रयोग क्षेत्रात करिअर घडविण्याची संधी उपलब्ध झाली आहे. बीबीए आणि बीसीए हे अभ्यासक्रम आजच्या डिजिटल आणि कॉर्पोरेट युगात अत्यंत मागणीचे अभ्यासक्रम मानले जात असून, विद्यार्थ्यांसाठी रोजगार आणि उद्योजकतेच्या अनेक संधी निर्माण करत आहेत.
यशोदा टेक्निकल कॅम्पसमध्ये विद्यार्थ्यांना आधुनिक शिक्षणपद्धती, अनुभवी प्राध्यापकांचे मार्गदर्शन, उद्योगाभिमुख प्रशिक्षण आणि कौशल्याधारित शिक्षणाची सुविधा उपलब्ध करून दिली जात आहे. बीसीए अभ्यासक्रमामध्ये प्रोग्रामिंग, कृत्रिम बुद्धिमत्ता, डेटा सायन्स, सायबर सुरक्षा आणि सॉफ्टवेअर डेव्हलपमेंट यांसारख्या विषयांवर भर दिला जात आहे. तर बीबीए अभ्यासक्रमामध्ये व्यवस्थापन कौशल्य, डिजिटल मार्केटिंग, उद्योजकता, आर्थिक व्यवस्थापन आणि कॉर्पोरेट कम्युनिकेशन यांसारख्या विषयांचे आधुनिक शिक्षण दिले जात आहे.
विद्यार्थी आणि पालकांना प्रवेश प्रक्रियेबाबत योग्य मार्गदर्शन मिळावे यासाठी यशोदा टेक्निकल कॅम्पस येथे विशेष प्रवेश सुविधा केंद्र सुरू करण्यात आले आहे. येथे विद्यार्थ्यांना पात्रता, प्रवेश प्रक्रिया, कागदपत्रे, शिष्यवृत्ती योजना आणि करिअर मार्गदर्शनाबाबत सविस्तर माहिती दिली जात आहे. ग्रामीण भागातील विद्यार्थ्यांनाही या निर्णयाचा मोठा लाभ होणार असून, स्थानिक पातळीवर गुणवत्तापूर्ण शिक्षणाची संधी उपलब्ध होत आहे.
यशोदा टेक्निकल कॅम्पसचे उपाध्यक्ष डॉ. अजिंक्य सगरे यांनी सांगितले की, “राज्य शासनाच्या या निर्णयामुळे विज्ञान शाखेतील विद्यार्थ्यांसाठी करिअरचे नवे मार्ग खुले झाले आहेत. आजच्या डिजिटल युगात व्यवस्थापन आणि संगणक शिक्षणाला मोठी मागणी आहे. विद्यार्थ्यांनी या सुवर्णसंधीचा लाभ घेत आपल्या करिअरला नवी दिशा द्यावी.”
तसेच प्रा. डॉ. दशरथ सगरे यांनी सांगितले की, “विद्यार्थ्यांच्या आवडी आणि बदलत्या उद्योगक्षेत्राच्या गरजा लक्षात घेऊन शिक्षणामध्ये लवचिकता निर्माण करणे आवश्यक आहे. शासनाचा हा निर्णय विद्यार्थ्यांच्या भविष्यासाठी अत्यंत महत्त्वाचा ठरणार आहे. यशोदा टेक्निकल कॅम्पस विद्यार्थ्यांना दर्जेदार, कौशल्याधारित आणि उद्योगाभिमुख शिक्षण देण्यासाठी कटिबद्ध आहे.”
दरम्यान, राज्य सामायिक प्रवेश परीक्षा कक्षाकडून बीबीए, बीसीए आणि संबंधित अभ्यासक्रमांच्या प्रवेश प्रक्रियेसाठी विविध बदल करण्यात आले असून, विद्यार्थ्यांना अधिक पर्याय उपलब्ध करून देण्याचा प्रयत्न केला जात आहे.
