परिक्षा केंद व परीसरात भारतीय नागरिक सुरक्षा संहिता 2023 चे कलम 163 लागू
सातारा दि. 27: दि.30 ऑगस्ट 2026 रोजी सकाळी 7 ते दुपारी 12.30 या कालावधीत वैद्यकीय विज्ञान राष्ट्रीय परीक्षा. मंडळामार्फत नीट पदव्युत्तर पदवी प्रवेश परीक्षा 2026 सातारा जिल्हयातील सातारा आयटी पार्क ऑनलाइन परीक्षा केंद्र, मोरे कॉलनी, रहिमतपूर-सातारा रोड,गोडोली., कै.ॲड.दादासाहेब चव्हाण मेमोरियल इन्स्टिट्यूट ऑफ फार्मसी कराड., महिला महाविद्यालय कराड, ज्ञानश्री इन्स्टिट्यूट ऑफ इंजिनीअरिंग अँड टेक्नॉलॉजी, सोनवडी-गजवडी तसेच कर्मवीर भाऊराव पाटील कॉलेज ऑफ इंजिनीअरिंग सातारा.
या 5 घोषित परिक्षा केंद्रावर घेण्यात येणार आहे. या परिक्षा केंद्राच्या परिसरात कायदा व सुव्यवस्थेचा प्रश्न निर्माण होऊ नये, यासाठी परिक्षा केंद्राचे परिसरात व त्या सभोवतालच्या १०० मीटर परिसरात सकाळी 6 ते सायं 6 वाजेपर्यंत अपर जिल्हादंडाधिकारी नागेश पाटील यांनी भारतीय नागरिक सुरक्षा संहिता 2023 चे कलम 163 लागू केले आहे. यानुसार या परिसरात परिक्षार्थी व नेमलेल्या अधिकारी, कर्मचारी यांना वगळून इतर व्यक्तींना प्रवेश करण्यास तसेच परिक्षा केंद्रांच्या परिसरापासून 100 मीटर पर्यंतची एस.टी.डी.बुध, झेरॉक्स सेंटर, फॅक्स मशीन चालू ठेवण्यास मनाई करण्यात आली आहे.
