माजी सैनिकांच्या अडीअडचणी सोडविण्यासाठी तालुकानिहाय दौरे डिजिटल जीवन प्रमाणपत्र अभियान पेन्शनधारकांना घरपोच मिळणार सेवा दुष्काळाच्या संकटाचे संधीत रूपांतर करा; कायमस्वरूपी टंचाईमुक्तीसाठी नियोजनबद्ध कामे करा – जिल्हाधिकारी संतोष पाटील  सातारा येथील यशोदा शिक्षण संस्था संचलित साधना प्राथमिक शाळेचा विद्यार्थी रणवीर सावंतचा राज्यस्तरीय मल्लखांब स्पर्धेत प्रथम क्रमांक राज्यातील शेतकऱ्यांना कर्जाच्या विळख्यातून सोडवणेसाठी शासनाने जाहिर केलेल्या पुण्यशलोक अहिल्यादेवी होळकर शेतकरी कर्जमुक्ती योजना 2026 या योजनेतील लाभार्थी शेतकऱ्यांच्या कर्जखात्यामध्ये रक्कम जमा झालेली चौथी यादी जाहीर किसन वीर परिवारामध्ये सुख, समद्धा घेऊन ही ढिवाळी येवो-प्रमोद शिदे ; कामगारांना दीपावलीनिमित्त साखर वाटपास सुरूवात
Home » राज्य » गोकुळ’ निवडणुकीत सतेज पाटलांचा दबदबा; महायुतीचे गणित बिघडले!

गोकुळ’ निवडणुकीत सतेज पाटलांचा दबदबा; महायुतीचे गणित बिघडले!

गोकुळ’ निवडणुकीत सतेज पाटलांचा दबदबा; महायुतीचे गणित बिघडले!

कोल्हापूर :कोल्हापूरच्या सहकार सम्राज्यातील सर्वात प्रतिष्ठेचा किल्ला अर्थात गोकुळ दूध संघ अखेर काँग्रेसचे विधान परिषदेचे गटनेते सतेज पाटील यांनी सर केला. राजकीय प्रतिष्ठेच्या पणाला लागलेल्या या महासंग्रामात सोमवारी विरोधी राजर्षी शाहू शेतकरी समविचारी आघाडीने २५ पैकी तब्बल १६ जागांवर विजयाचे सोने लुटले. महायुती प्रणित सत्ताधारी राजर्षी शाहू विकास आघाडीला अवघ्या ९ जागांवरच समाधान मानावे लागले आहे.

राज्यातील सहकार तत्वावरील सर्वात मोठ्या गोकुळ दूध संघाची निवडणूक राज्यातील महायुतीने प्रतिष्ठेची केली होती. मुख्यमंत्र्यांपासून ते जिल्ह्यातील महायुतीच्या तमाम नेत्यांनी प्रचाराची राळ उठवली होती. तर विरोधात काँग्रेसचे आमदार सतेज पाटील यांनी एक हाती प्रचार यंत्रणा राबवली होती. आज मतमोजणीत सकाळी ११ वाजता ५ हजार ४१४ मतांपैकी पहिल्या १६५० मतांमध्ये महायुतीने आघाडी घेतली होती.

मात्र दुपारनंतर पडदा सरकला आणि समविचारी आघाडीने अशी काही मुसंडी मारली. हातकणंगले, शिरोळ, पन्हाळ्याच्या पट्ट्यातून एकमुखी कौल मिळत गेला. या निकालातील सर्वात मोठा धक्का म्हणजे गोकुळचे विद्यमान साम्राज्य हलवणारे महायुतीचे शिलेदार मंत्री हसन मुश्रीफ यांचे चिरंजीव, मावळते अध्यक्ष नविद मुश्रीफ यांना ओबीसी गटातून समविचारीचे शशिकांत खोत यांनी ६९ मतांनी हरविले तर त्यांच्यासह गोकुळचे अरुण डोंगळे, विश्वास पाटील या माजी अध्यक्षांना पराभवाची धूळ चाखावी लागली. गतवेळी विरोधी गटाचा गटाची जबाबदारी एक हाती पेलणाऱ्या शौमिका महाडिक यांचा अवघ्या ७ मतांनी झालेला नाट्यमय पराभव हा या निवडणुकीचा टर्निंग पॉईंट ठरला.

निकालाचे पडघम वाजताच विरोधातील नेत्यांचे चेहरे हिरमुसले होते. तर दुसरीकडेसतेज पाटील यांच्या अजिंक्यतारा या जनसंपर्क कार्यालयावर जणू दसऱ्यापूर्वीच दिवाळी अवतरली. हजारो शेतकरी, दूध उत्पादक आणि तरुण कार्यकर्त्यांनी ढोल-ताशांच्या गजरात सतेज पाटलांना खांद्यावर घेतले. गुलालाची मुक्त उधळण, फटाक्यांची आतषबाजी करण्यात आली. ठरावधारकांनी ‘गोकुळचा बाप शेतकरी हाय’, ‘कैवारी बंटी साहेब, ‘गोकुळ वाचला’च्या घोषणांनी आसमंत दणाणून गेला. फेरमतमोजणीचे नाट्य आवरल्यानंतर हा जल्लोष शिगेला पोहोचला. आता गोकुळच्या दूधगंगेतून सत्तांतराचा नवा प्रवाह वाहणार हे निकालाने स्पष्ट झाले आहे.

राजर्षी शाहू शेतकरी समविचारी आघाडीचे विजयी उमेदवार

शशिकांत पाटील चुयेकर,

बाबासाहेब श्रीपती चौगुले,

अभिजित प्रभाकर तायशेटे,

किसन बापूसो चौगुले,

राहुल बजरंग देसाई,

बाबासाहेब विष्णू देवकर,

विश्वजित दिनकरराव जाधव,

विद्याधर बाबूराव गुरबे,

सचिन दौलतराव घोरपडे,

अंजना केदारी रेडेकर,

भाग्यश्री धीरज डोंगळे,

शशिकांत शामराव खोत,

राजू जयवंतराव आवळे,

बयाजी देवू शेळके.

महायुतीच्या राजर्षी शाहू शेतकरी विकास आघाडीचे विजयी उमेदवार याप्रमाणे :

राजेश नरसिंगराव पाटील,

राहुल पी. पाटील,

रणजित के. पाटील,

रणजित दिलीप पाटील,

अंबरिशसिंह संजय घाटगे,

चेतन अरुण नरके,

अजित शशिकांत नरके,

अजित पांडुरंग पाटील,

वीरेंद्र संजय मंडलिक

Leave a Comment

RELATED LATEST NEWS

Top Headlines

माजी सैनिकांच्या अडीअडचणी सोडविण्यासाठी तालुकानिहाय दौरे

माजी सैनिकांच्या अडीअडचणी सोडविण्यासाठी तालुकानिहाय दौरे सातारा – माजी सैनिक व माजी सैनिकांच्या विधवा पत्नी तथा अवलंबितांच्या विविध अडीअडणींचा निपटारा

राज्यातील शेतकऱ्यांना कर्जाच्या विळख्यातून सोडवणेसाठी शासनाने जाहिर केलेल्या पुण्यशलोक अहिल्यादेवी होळकर शेतकरी कर्जमुक्ती योजना 2026 या योजनेतील लाभार्थी शेतकऱ्यांच्या कर्जखात्यामध्ये रक्कम जमा झालेली चौथी यादी जाहीर

Live Cricket