शरद पवारांचे निष्ठावंत आमदार शशिकांत शिंदे राष्ट्रवादी काँग्रेसचे नवे प्रदेशाध्यक्ष
सातारा -गेल्या अनेक दिवसांपासून जयंत पाटील यांच्या राष्ट्रवादी काँग्रेस शरद पवार पक्षाच्या प्रदेशाध्यक्ष पदाच्या राजीनाम्याची चर्चा सुरु होती. स्वतः जयंत पाटील यांनीच आपल्याला पदावरून निवृत्त करावे, अशी इच्छा व्यक्त केली होती.
अखेर या चर्चेला पूर्ण विराम मिळाले असून जयंत पाटील यांनी आज प्रदेशाध्यक्षपदाचा राजीनामा दिला आणि अवघ्या काही वेळेत खासदार शरद पवार यांचे निष्ठावंत असलेल्या विधान परिषदेचे आमदार शशिकांत शिंदे यांची पक्षाच्या प्रदेशाध्यक्षपदी निवड करण्यात आली आहे.
