लडाखमध्ये भारतीय लष्कराचं हेलिकॉप्टर कोसळलं
लडाखमधील लेहजवळच्या तांगस्ते भागात भारतीय लष्कराचं ‘चिता’ हे हेलिकॉप्टर कोसळल्याची घटना घडली आहे. या अपघातामधून ३ वरिष्ठ लष्करी अधिकारी थोडक्यात बचावले आहेत. त्यांना किरकोळ दुखापत झाली असल्याची माहिती सांगितली जात आहे. दरम्यान, ही अपघाताची घटना नेमकी कशामुळे घडली? याबाबतची चौकशी करण्याचे आदेश देण्यात आले आहेत.
अपघात झालेल्या हेलिकॉप्टरमध्ये लष्कराचे तीन वरिष्ठ अधिकारी होते. अपघातग्रस्त हेलिकॉप्टरमध्ये लेफ्टनंट कर्नल मेजर आणि जनरल ऑफिसर कमांडिंग सचिन मेहता हे प्रवास करत होते. या अपघातात तिघेही जखमी झाले आहेत. मात्र, त्यांना सुखरूप बाहेर काढण्यात आलं आहे.
लेहजवळच्या तांगस्ते भागात लष्कराचं चिता हे हेलिकॉप्टर कोसळल्याच्या घटनेनंतर एका अधिकाऱ्याचा सेल्फी व्हायरल होत आहे. अपघातग्रस्त हेलिकॉप्टरजवळ दोन अधिकाऱ्यांबरोबर बसलेल्या मेजर जनरल सचिन मेहता यांचा हा फोटो चर्चेचा विषय बनला आहे.
तांगस्ते परिसरात झालेल्या हेलिकॉप्टर अपघाताच्या घटनेची चौकशीचे करण्यात येणार आहे, या संदर्भात लष्कराने अधिकृत चौकशीचे आदेश दिले आहेत. तांत्रिक बिघाड की खराब हवामान यासह सर्व संभाव्य कारणांची तपासणी केली जाणार आहे.
