महाबळेश्वर गिरिस्थान नगरपालिकेचे लोकप्रिय नगराध्यक्ष सुनील शिंदे यांच्या वाढदिवसानिमित्त आरोग्यदायी उपक्रम
महाबळेश्वर प्रतिनिधी -महाबळेश्वरमध्ये मोफत डोळे तपासणी शिबिराचे आयोजन.महाबळेश्वर नगरपरिषदेचे लोकप्रिय नगराध्यक्ष मा.श्री.सुनील लक्ष्मण शिंदे यांच्या वाढदिवसानिमित्त शहरात मोफत डोळे तपासणी शिबिराचे आयोजन करण्यात आले आहे. नगराध्यक्ष श्री.सुनील शिंदे मित्र परिवार, ममता ज्येष्ठ नागरिक संघ मुंबई आणि भारती हॉस्पिटल कात्रज, पुणे यांच्या संयुक्त विद्यमाने हा उपक्रम राबविण्यात येत आहे.
हे शिबिर शुक्रवार दि. १५ मे २०२६ रोजी सकाळी ९ ते दुपारी ३ वाजेपर्यंत पेटीत लायब्ररी हॉल, महाबळेश्वर येथे होणार आहे. नागरिकांनी या शिबिराचा लाभ घ्यावा, असे आवाहन आयोजकांनी केले आहे.
शिबिरामध्ये नेत्र तपासणी, मोतीबिंदू तपासणी, लांब व जवळचे कमी दिसणे, सतत डोकेदुखी, डोळ्यातील मास वाढणे तसेच डोळे लाल होणे आदी आजारांची तपासणी करण्यात येणार आहे. तसेच गरजू रुग्णांना मोफत नंबरचे चष्मे देण्यात येणार असून मोफत मोतीबिंदू शस्त्रक्रियाही करण्यात येणार असल्याची माहिती आयोजकांनी दिली.
