धोम तालुका वाई येथे २८ फेब्रुवारीला विधी सेवा महाशिबीर व शासकीय योजनांचा भव्य महामेळावा
विधी सेवा महाशिबीर व शासकीय योजनांचा महामेळाव्याचे-28 फेब्रुवारी रोजी आयोजन
सातारा दि. 18 : जिल्हा विधी सेवा प्राधिकरण, सातारा व तालुका विधी सेवा समिती, वाई यांच्या संयुक्त विद्यमाने दिनांक २८ फेब्रुवारी २०२६ रोजी सकाळी ११ वाजता श्री नरसिंह हायस्कूल, धोम ता. वाई येथे “विधी सेवा महाशिबीर व शासकीय योजनांचा महामेळावा आयोजित करण्यात आला आहे.
या महाशिबीरामध्ये नागरिकांना मोफत कायदेविषयक मार्गदर्शन कौटुंबिक व जमीन विषयक प्रश्नांवर सल्ला तसेच महिला, शेतकरी, कामगार, विद्यार्थी, ज्येष्ठ नागरिक व दिव्यांग व्यक्तींसाठी अनेक उपलब्ध योजनांची माहिती देण्यात येणार आहे. तसेच जिल्ह्यातील विविध शासकीय व निमशासकीय विभागांमार्फत राबविण्यात येत असलेल्या सेवा व योजनांची माहिती, पात्रता व अर्ज प्रक्रियेबाबत मार्गदर्शन केले जाणार असून काही ठिकाणी प्रत्यक्ष अर्ज भरण्याची सुविधा उपलब्ध करुन देण्यात येणार आहे. शिबीरात आधार कार्ड, ई-श्रम कार्ड, आभा कार्ड, आयुष्यमान कार्ड इत्यादी नोंदणी व अद्यावतीकरण केले जाणार आहे. आरोग्य तपासणी शिबीराचेही आयोजन करण्यात आले आहे. रक्त तपासणी, डोळ्यांची तपासणी, चष्मे वाटप व मोफत शस्त्रक्रियेकरिता नोंदणी केली जाणार आहे.
जिल्ह्यातील नागरिकांनी मोठ्या संख्येने उपस्थित राहून शासकीय योजनांबाबत माहिती करून घ्यावी व शासकीय योजनांचा लाभ घ्यावा, असे आवाहन प्रमुख जिल्हा व सत्र न्यायाधीश तथा अध्यक्ष जिल्हा विधी सेवा प्राधिकरण ए.एस. वाघमारे व जिल्हा न्यायाधीश तथा अध्यक्ष तालुका विधी सेवा समिती, वाई यांनी केले आहे.
