कृषीकन्यांनी केला कांबळेवर येथे बालिका दिन ” साजरा
बारामती -कांबळेवर ,ता. बारामती येथे महात्मा फुले कृषी विदयापीठ राहुरी संलग्न फलटण एज्युकेशन सोसायटीचे कृषी महाविदयालय , फलटण येथील कृषीकन्यांनी ग्रामीण जागरुकता कृषी कार्यानुभव व औदयोगिक जोड प्रकल्प कार्यक्रमांतर्गत श्री विठ्ठल माध्यमिक विद्यालय कांबळेवर येथे बालिका दिन साजरा केला.
कार्यक्रमाची सुरवात क्रांतीज्योती सावित्रीबाई फुले यांच्या प्रतिमेचे पुजन करून झाले. काही विदयार्थ्यांनी सावित्रीबाई फुले यांच्याविषयी भाषण केले तसेच शिक्षकांनीही त्यांना मोलाचे मार्गदर्शन केले. शाळेतील विद्यार्थीनींनी सावित्रीबाई फुलेंची वेशभुषा करुन घोषवाक्ये पुकारली.
या कार्यक्रमासाठी कृषी महाविदयालय फलटणचे प्राचार्य डॉ. यू.डी.चव्हाण, कार्यक्रम समन्वयक प्रा. एन एस धालपे, कार्यक्रम अधिकारी प्रा. एन. ए. पंडीत व प्रा. एस. एम. साळुंखे तसेच डॉ. प्रा. जी बी. अडसूळ यांचे कृषीकन्या कुमारी श्रावणी गायकवाड, विजया दिवाणे, प्राजक्ता जाधव, शितल जाधव, अपूर्वा जगताप, श्रृतिका जगताप, वृषाली कदम यांना मोलाचे मार्गदर्शन लाभले.
