“अपने तो अपने होते है” अखेर माण खटावमधील दोन भावांचा संघर्ष मिटला जयकुमार गोरेंच्या विजयासाठी बंधू शेखर गोरे प्रचाराच्या मैदानात
माण खटावमध्ये दोन भावांमधला संघर्ष मिटला असून जयकुमार गोरे यांना निवडून आणण्यासाठी शेखर गोरे संपूर्ण ताकतीनिशी रिंगणात उतरले आहेत.
सातारा -जयकुमार गोरेंच्या विरोधात सर्वपक्षीय नेते एकवटले आहेत परंतु निवडणुकीमध्ये शेखर गोरे यांची भूमिका महत्त्वाची होती.माण-खटाव विधानसभा मतदारसंघात साधारण पंधरा ते वीस वर्ष दोन भावांमधला संघर्ष वारंवार पाहायला मिळाला आहे. जयकुमार गोरे विरुद्ध शेखर गोरे असा हा संघर्ष आजपर्यंत या मतदारसंघाने पाहिला आहे. परंतु या विधानसभा निवडणुकीमध्ये मात्र माढा लोकसभेचे माजी खासदार रणजितसिंह नाईक निंबाळकर यांच्या यशस्वी मध्यस्थीनंतर आता जयकुमार गोरे यांना आमदार करण्यासाठी शेखर गोरे संपूर्ण ताकतीनिशी मैदानात उतरल्याचे पाहायला मिळत आहे. शेखर गोरे जयकुमार गोरेंचा प्रचार करणार.शिवसेना उद्धव बाळासाहेब ठाकरे गटाने तिकीट नाकारल्यानंतर शिवसेना जिल्हा संपर्कप्रमुखपदाचा राजीनामा शेखर गोरे यांनी दिला होता. त्यानंतर त्यांनी राजकीय भूमिका जाहीर केली नव्हती. मतदारसंघातील सर्व प्रमुख कार्यकर्त्यांसोबत झालेल्या बैठकीत अखेर शेखर गोरे यांनी त्यांचे बंधू जयकुमार गोरे यांचे विधानसभेला काम करणार असल्याचे जाहीर केले.शेखर गोरे यांच्यामुळे माण खटाव विधानसभा मतदारसंघांमध्ये भाजपची ताकद वाढल्याचे पाहायला मिळत आहे. तर दुसरीकडे या मतदारसंघात आता राष्ट्रवादीची डोकेदुखी वाढल्याचे चित्र आहे.
