हेमलता शिंदे यांना राज्यस्तरीय आदर्श सरपंच पुरस्कार
पिंपोडे बुद्रुक, ता. ७ : आसनगाव (ता. कोरेगाव) येथील सरपंच हेमलता शिंदे यांना त्यांच्या उल्लेखनीय कार्याची दखल घेत राज्यस्तरीय ‘आदर्श सरपंच’ पुरस्काराने सन्मानित करण्यात आले. अहिल्यानगर येथे स्वराज्य सरपंच सेवा संघाच्या वतीने आयोजित विशेष कार्यक्रमात हा गौरव सोहळा पार पडला.
ग्रामविकास, स्वच्छता, जलसंधारण, तसेच विविध लोकहिताच्या उपक्रमांत त्यांनी केलेल्या प्रभावी कामगिरीमुळे त्यांची निवड करण्यात आली. गावातील पायाभूत सुविधा उभारणीसह नागरिकांच्या सहभागातून विकास साधण्यावर त्यांनी विशेष भर दिला आहे. त्यांच्या नेतृत्वाखाली आसनगावने विविध क्षेत्रांत उल्लेखनीय प्रगती साधली आहे.
या सोहळ्यात महंत श्रीकांत महाराज धुमाळ, हवामान अभ्यासक पंजाबराव डक आणि बाबासाहेब पावसे यांच्या हस्ते हेमलता शिंदे यांना पुरस्कार प्रदान करण्यात आला. यावेळी ग्रामपंचायत सदस्या पद्मावती शिंदे, साधना यादव, स्वाती चव्हाण, भानुदास शिंदे, विश्वास यादव, कालिदास यादव, संतोष शिंदे, संभाजी शिंदे, गजेंद्र शिंदे, वैभव शिंदे, गणेश शिंदे, श्रीकांत जाधव, अभिजित शिंदे यांसह ग्रामस्थ उपस्थित होते.
पुरस्कार प्राप्त झाल्यानंतर ग्रामस्थांनी शिंदे यांचे अभिनंदन करत त्यांच्या कार्याबद्दल गौरवोद्गार काढले. या यशामुळे आसनगावच्या विकासकामांना अधिक गती मिळेल, असा विश्वासही हेमलता शिंदे यांच्या वतीने व्यक्त करण्यात आला. या पुरस्काराबद्दल ग्रामपंचायत सदस्य विक्रम भोसले, शुभांगी चव्हाण, ग्रामसेविका प्रेरणा सपकाळ, सातारा जिल्हा खरेदी विक्री संघांचे संचालक अनिल शिंदे, माजी सरपंच वसंत शिंदे, घनश्याम गुरव, विकास सेवा सोसायटीचे चेअरमन मारुती शिंदे, व्हाईस चेअरमन रतनसिंग शिंदे, माजी चेअरमन नितीन धुमाळ, राजेंद्र जाधव, संचालक विनोद कळंबे, दीपक गायकवाड, लिलावती शिंदे, बेबीताई शिंदे, लिलावती शिंदे, तसेच यात्रा कमिटी आदींनी अभिनंदन केले.
