वन जमिनींच्या वाटपाबाबतची याद्या प्रसिद्ध, हरकतींसाठी १० दिवसांची मुदत
सातारा : सातारा वन विभागातील महसूल व इतर विभागाच्या ताब्यात असलेले अथवा वाटप केलेले वनक्षेत्राचा जिल्हास्तरीय विशेष तपास पथकामार्फत (SIT) ताळमेळ घेऊन माहिती संकलित करण्याचे काम करण्यात आले आहे. वाटप करण्यात आलेल्या वनजमिनीबाबतची माहिती पडताळणी तालुकास्तरीय समिती व जिल्हास्तरीय विशेष तपास पथक (SIT) यांचे स्तरावर करण्यात आली आहे.
तथापी संबंधीत खातेदार नागरीक यांचे अवलोकनासाठी सदर याद्या जाहिररित्या तहसिलदार कार्यालय, वनपरिक्षेत्र अधिकारी कार्यालयांच्या नोटीस बोर्डावर प्रसिध्द करण्यात आल्या असून, या यादीमध्ये वाटपधारक यांचे माहितीत काही सुधारणा अथवा दुरुस्ती असल्यास 10 दिवसाच्या आत आपले लेखी निवेदन संबंधित वनपरिक्षेत्र अधिकारी यांचेकडे सादर, असे आवाहन उपवनसंरक्षक अमोल सातपुते यांनी केले आहे.
