दहावीच्या परीक्षेत हिंदवी स्कूलचे घवघवीत यश
सातारा- येथील श्रीनिधी एज्युकेशन सोसायटीच्या हिंदवी पब्लिक स्कूलने यंदाही १०० टक्के निकालाची परंपरा कायम ठेवली आहे.
एसएससी बोर्ड परीक्षेमध्ये हिंदवी पब्लिक स्कूलच्या पाच विद्यार्थ्यांनी ९५ टक्क्यांपेक्षा अधिक गुण, ७ विद्यार्थ्यांनी ९० टक्क्यांपेक्षा अधिक गुण, २५ विद्यार्थ्यांनी ८० टक्क्यांपेक्षा अधिक गुण, २२ विद्यार्थ्यांनी ६० ते ८० टक्क्यांदरम्यान गुण मिळवले. त्यात असावरी विजय जाधवने ९८.२० टक्के गुण मिळवीत शाळेत प्रथम येण्याचा मान पटकाविला, तर शिवांजली नंदकुमार शिंदे व अमृता अरविंद पवार ९६.६० टक्के गुण मिळवीत द्वितीय क्रमांक पटकावला आहे. कृष्णाली डफळे (९५.४० टक्के) हिने तृतीय क्रमांक व रिया जोशी (९५.२०टक्के) हिने चौथा क्रमांक मिळविला.
सर्व यशस्वी विद्यार्थ्यांचे श्रीनिधी एज्युकेशन सोसायटीचे अध्यक्ष अमित कुलकर्णी, सचिव नानासाहेब कुलकर्णी, खजिनदार अश्विनी कुलकर्णी, पंचकोशीय गुरुकुलच्या कार्यकारी संचालिका रमणी कुलकर्णी, मुख्याध्यापिका ज्योती सुपेकर, उपमुख्याध्यापिका शिल्पा पाटील, प्राथमिक विभागप्रमुख शिल्पिता महांगडे, पंचकोशाधारित गुरुकुल प्रमुख प्रसाद जोशी व शिक्षकांनी अभिनंदन केले.
