अवैध सावकारीच्या त्रासापासुन पिडीतांनी जिल्हाउपनिबंधक कार्यालयाकडे संपर्काचे आवाहन
कराड ( ज्ञानेश्वर शेवाळे)जिल्हयात विना परवाना अवैध सावकारी व्यवसाय करीत असल्याबाबत निवेदने प्राप्त होत आहेत. त्याअनुषंगाने सातारा जिल्हयातील नागरीकांना आवाहन करण्यात येते की, जर एखादी व्याक्ती विना परवाना अवैधरित्या सावकारी व्यवसाय करित असेल व सदर अवैध सावकारी व्यवसाय करणाऱ्या व्यक्तिकडुन एखाद्या नागरिकाची पिळवणुक होत असेल तर अशा पिडित नागरिाकाने याबाबत संबंधित तालुक्यातील सावकारांचे सहायय्क निबंधक तथा सहायक निबंधक सहकारी संस्था यांचेकडे आवश्यक त्या कागदपत्रे व पुरव्यानिशी गोपनिय तक्रार करावी म्हणजे सदर अर्जावर महाराष्ट्र सावकारी अधिनियम , २०१४ या नियमान्वये कारवाई करणे सोयीचे होईल
तसेच अवैध सावकारी व्यवसाय करणाऱ्या व्यक्तिकडुन पीडीत व्यक्तीस जीवे मारण्याची धमकी, मारहाण दमदाटी, शिवीगाळ अशा स्वरुपात मानसिक व शारिरीक त्रास होत असल्यास त्याने याबाबत संबंधित पोलिस ठाण्यात तक्रार नोंदवण्याचे आवाहन संजयकुमार सुद्रिक जिल्हा उपनिबंधक, सहकारी संस्था सातारा यांनी केले आहे.
