भारतीय जनता पार्टी महिला मोर्चाच्या सातारा जिल्हा उपाध्यक्षपदी हेमलता सागर भोसले यांची निवड
सातारा -सातारा नगरपरिषदेच्या प्रभाग क्रमांक १९च्या नगरसेविका मा. सौ. हेमलता सागर भोसले यांची भारतीय जनता पार्टी महिला मोर्चाच्या सातारा जिल्हा उपाध्यक्षपदी निवड करण्यात आली आहे. त्यांच्या या निवडीबद्दल कार्यकर्ते, समर्थक तसेच विविध स्तरांतून त्यांच्यावर अभिनंदनाचा वर्षाव होत आहे.
पक्ष संघटना बळकट करण्यासाठी आणि महिलांचे प्रश्न प्रभावीपणे मांडण्यासाठी त्या अधिक जोमाने कार्य करतील, असा विश्वास कार्यकर्त्यांनी व्यक्त केला.यावेळी हेमलता सागर भोसले यांनी आपल्या निवडीबद्दल भारतीय जनता पार्टीच्या सर्व वरिष्ठ नेत्यांचे मनःपूर्वक आभार मानले.
पक्षाने दिलेल्या जबाबदारीचे प्रामाणिकपणे पालन करून महिला मोर्चा अधिक सक्षम करण्यासाठी आणि जनतेच्या सेवेसाठी सातत्याने कार्यरत राहणार असल्याची भावना त्यांनी व्यक्त केली.
