महाबळेश्वर राष्ट्रवादी काँग्रेसच्या १० पदाधिकाऱ्यांची ‘विशेष कार्यकारी अधिकारी’ म्हणून निवड; नगराध्यक्ष सुनील शिंदे यांच्याकडून अभिनंदन व शुभेच्छा!
महाबळेश्वर प्रतिनिधी –महाराष्ट्र राज्याचे मदत व पुनर्वसन मंत्री नामदार मकरंद सुमन लक्ष्मणराव जाधव-पाटील (आबा) यांच्या नेतृत्वाखाली महाबळेश्वर शहर आणि परिसरातील राष्ट्रवादी काँग्रेस पक्षाच्या १० प्रमुख पदाधिकाऱ्यांची विशेष कार्यकारी अधिकारी (Special Executive Officer) म्हणून राज्य शासनाकडून अधिकृत नियुक्ती करण्यात आली आहे. या निवडीमुळे पक्षाच्या स्थानिक कार्यकर्त्यांमध्ये आणि महाबळेश्वर परिसरात प्रचंड उत्साहाचे वातावरण निर्माण झाले आहे.
महाबळेश्वरच्या विकासाला गती देण्यासाठी आणि नागरिकांचे रोजचे प्रशासकीय व सामाजिक प्रश्न मार्गी लावण्यासाठी ही नियुक्ती अत्यंत महत्त्वाची मानली जात आहे. या पार्श्वभूमीवर महाबळेश्वर नगरपरिषदेचे लोकनियुक्त नगराध्यक्ष सुनील शिंदे यांनी नवनियुक्त पदाधिकाऱ्यांचा सत्कार करत त्यांचे मनापासून अभिनंदन केले आणि पुढील वाटचालीस शुभेच्छा दिल्या.
यावेळी बोलताना नगराध्यक्ष सुनील शिंदे म्हणाले, “महाबळेश्वर शहर व परिसरातील सामाजिक, प्रशासकीय तसेच सार्वजनिक प्रश्नांच्या सोडवणुकीसाठी या नवनियुक्त पदाधिकाऱ्यांकडून सकारात्मक योगदान मिळेल, यात शंका नाही. महाबळेश्वरच्या सर्वांगीण विकासासाठी आणि नागरिकांच्या विविध अडचणींवर मात करताना नवनियुक्त पदाधिकाऱ्यांनी मिळालेल्या या विशेष पदाचा आणि जबाबदारीचा प्रभावीपणे उपयोग करावा.”
विशेष कार्यकारी अधिकारी म्हणून निवड झालेले पदाधिकारी:
१. श्री. अतुल अशोक सलागरे
२. सौ. सुरेखा बळवंत देवकर
३. सौ. लता अशोक आरडे
४. सौ. श्रद्धा उमेश रोकडे
५. सौ. भक्ती संतोष जाधव
६. सौ. लीला नंदकुमार मानकुंबरे
७. श्री. राजमोहम्मद अबुबकर शेख
८. श्री. अभिजित रामचंद्र खुरासने
९. श्री. प्रवीण बबन रिंगे
१०. श्री. अनिकेत अनंत रिंगे
या नियुक्तीबद्दल नवनियुक्त सर्व पदाधिकाऱ्यांवर महाबळेश्वर तालुक्यातील सामाजिक, राजकीय व प्रशासकीय स्तरातून अभिनंदनाचा वर्षाव होत आहे. लोकप्रतिनिधी, पक्षाचे वरिष्ठ नेते आणि नागरिकांनीही या सर्व पदाधिकाऱ्यांना पुढील सामाजिक कार्यासाठी मनापासून शुभेच्छा दिल्या आहेत.
