वरिष्ठ पोलीस निरीक्षक दत्तात्रय दराडे यांनी केले ‘मीडिया सेवन’च्या दिवाळी अंकाचे स्वागत! संपादिका मुस्कान तांबोळी यांनी दिवाळी अंक भेट देत उपक्रमाची दिली माहिती
कराड : मीडिया सेवनच्या वतीने प्रकाशित करण्यात आलेल्या दिवाळी विशेषांकाचे कराड शहर पोलीस ठाण्याचे वरिष्ठ पोलीस निरीक्षक दत्तात्रय दराडे यांनी स्वागत केले. यावेळी मीडिया सेवनच्या संपादिका मुस्कान तांबोळी यांनी त्यांना दिवाळी विशेषांक भेट देऊन या उपक्रमामागील भूमिका, अंकाची संकल्पना तसेच विशेषांकातील विविध साहित्यिक व सामाजिक विषयांची माहिती दिली.
मीडिया सेवनच्या माध्यमातून पत्रकारिता, सामाजिक उपक्रम आणि स्थानिक पातळीवरील विविध विषयांना व्यासपीठ उपलब्ध करून देण्याचा प्रयत्न केला जात आहे. दिवाळी विशेषांकाच्या माध्यमातून साहित्य, संस्कृती आणि समाजातील सकारात्मक घडामोडी वाचकांपर्यंत पोहोचविण्याचा हा उपक्रम कौतुकास्पद असल्याची भावना यावेळी व्यक्त करण्यात आली.
