जनतेच्या प्रश्नांसाठी लढणारे युवा नेतृत्व; शिवसेना पाचगणी शहर प्रमुख राहुलदादा शिंदे यांचा आज वाढदिवस
पाचगणी प्रतिनिधी : शिवसेनेचे पाचगणी शहर प्रमुख तथा युवा नेतृत्व राहुलदादा शिंदे यांचा आज वाढदिवस उत्साहात साजरा होत आहे. माजी मुख्यमंत्री एकनाथ शिंदे यांचे निष्ठावान कार्यकर्ते म्हणून राहुलदादा शिंदे यांची ओळख असून, सर्वसामान्य जनतेच्या प्रश्नांसाठी सातत्याने आवाज उठवणारे नेतृत्व म्हणून त्यांनी तालुक्यात वेगळी छाप निर्माण केली आहे.
पाचगणी शहर व परिसरातील विविध नागरी समस्यांवर त्यांनी वेळोवेळी पाठपुरावा करून संबंधित प्रशासनाचे लक्ष वेधले आहे. अनेक प्रश्नांवर ठाम भूमिका घेत सर्वसामान्य नागरिकांना न्याय मिळवून देण्यासाठी त्यांनी सातत्याने प्रयत्न केले आहेत. त्यामुळे नागरिकांमध्ये त्यांच्याविषयी विश्वास आणि आपुलकी निर्माण झाली आहे.
उद्योग-व्यवसाय सांभाळतानाच समाजकारणाला प्राधान्य देत जनतेच्या प्रश्नांना प्रथम स्थान देण्याची त्यांची कार्यपद्धती अनेकांसाठी प्रेरणादायी ठरली आहे. युवकांना संघटित करून सामाजिक व राजकीय क्षेत्रात सक्रिय सहभागासाठी त्यांनी नेहमीच प्रोत्साहन दिले आहे. त्यांच्या नेतृत्वाखाली शिवसेनेचे अनेक युवा कार्यकर्ते संघटनेत सक्रियपणे कार्यरत आहेत.
त्यांच्या वाढदिवसानिमित्त राजकीय, सामाजिक, व्यावसायिक क्षेत्रातील मान्यवर, शिवसेना पदाधिकारी, कार्यकर्ते तसेच नागरिकांकडून त्यांच्यावर शुभेच्छांचा वर्षाव होत असून, त्यांच्या पुढील सामाजिक व राजकीय वाटचालीसाठी शुभेच्छा व्यक्त केल्या जात आहेत.
