वाई फेस्टिवल हा केवळ मनोरंजनाचा उत्सव नाही तर विविध कला, कलाकार, आणि संस्कृती यांना एकत्र आणणारा एक सेतू-अमर आनंद कोल्हापुरे
वाई – कला, क्रीडा, आणि सामाजिक उपक्रमांच्या माध्यमातून वाई फेस्टिवल हे वाईकरांचे आणि कलाप्रेमींचे विशेष आकर्षण ठरले आहे. यंदा वाई फेस्टिवल २०२४ अंतर्गत विविध कार्यक्रमांचे आयोजन करण्यात आले असून, स्थानिक कलाकारांना आपली कला सादर करण्यासाठी भव्य व्यासपीठ उपलब्ध करून दिले जात आहे. कल्पकतेला वाव देणारी व लहानांपासून मोठ्यांपर्यंत सर्वांसाठी खुली असणारी भव्य चित्रकला स्पर्धा दिनांक ८ डिसेंबर २०२४ रोजी सकाळी ठीक ७.३० वा स्थळ – महागणपती घाट वाई , सामाजिक बांधिलकी जपत रक्तदानाचे महत्त्व अधोरेखित करणारे रक्तदान शिबीर दिनांक ८ डिसेंबर २०२४ रोजी सकाळी ठीक ८ वा. स्थळ – काशिविश्वेशर मंदिर महागणपती घाट वाई, वाईतील विविध कलाक्षेत्रातील कलाकारांना व्यासपीठ देण्यासाठी टॅलेंट हंट स्पर्धा दिनांक १४ डिसेंबर २०२४ रोजी सकाळी ९ वा. स्थळ सत्यवती जोशी सभागृह मधली आळी , वाई ,आरोग्यदायी जीवनशैली आणि पर्यावरणपूरक दृष्टिकोनाला प्रोत्साहन देणारी सायकल रॅली दि. १५ डिसेंबर २०२४ रोजी सकाळी ७.३० वा. स्थळ – महागणपती घाट येथून सुरवात करून संपूर्ण वाई शहरात, शरीराची श्रीमंती दाखवणारा जिल्हास्तरीय शरीरसौष्ठव स्पर्धा शुक्रवार दि २० डिसेंबर २०२४ रोजी सायं. ६ वा महागणपती घाट वाई, नृत्यातील वैविध्यपूर्ण शैली दाखवणारा ग्रुप डान्स शो शनिवार दि २१ डिसेंबर २०२४ रोजी सायं. ६ वा महागणपती घाट वाई, तसेच वाईकरांचे मनोरंजन करणारा झी मराठी वाहिनीचा “उत्सव नात्यांचा” या कार्यक्रमाचे आयोजन रविवार दि २२ डिसेंबर २०२४ रोजी सायं. ६ वा महागणपती घाट वाई येथे फेस्टिवल च्या अंतर्गत करण्यात आले असून या सर्व कार्यक्रमांना वाईकरांनी भरघोस प्रतिसाद द्यावा असे आवाहन संस्थेचे निमंत्रक श्री अमर आनंद कोल्हापुरे यांनी पत्रकार परिषदेत केले. वाई फेस्टिवलचा मुख्य हेतू म्हणजे वाईमधील विविध कलाकारांना , त्यांच्या कलांना राष्ट्रीय आणि आंतरराष्ट्रीय स्तरावर पोहोचवणे, तरुण पिढीला प्रोत्साहन देणे, तसेच सामाजिक आणि पर्यावरणीय संवेदनशीलता वाढवणे हा असून वाई फेस्टिवल हा केवळ मनोरंजनाचा उत्सव नाही तर विविध कला, कलाकार, आणि संस्कृती यांना एकत्र आणणारा एक सेतू आहे.
आपल्या वाईच्या मातीशी, परंपरांशी, आणि संस्कृतीशी जोडलेल्या या उत्सवामध्ये नवे विचार, नवे प्रयोग, आणि नव्या पिढीच्या कल्पकतेला चालना मिळते. हा उत्सव वाईच्या कलाप्रेमींनी निर्माण केलेल्या प्रोत्साहनाचा परिणाम असून वाईकरांच्या योगदानामुळे आणि सहभागामुळे वाई फेस्टिवल एका वेगळ्या उंचीवर पोहोचला आहे. या सोहळ्याचे हे १७ वे वर्ष असून हा सोहळा अविरत सुरु राहण्यापाठीमागे आयोजक म्हणून उत्कर्ष पतसंस्था व वाई जिमखाना वाई , तसेच अनेक दानशूर प्रायोजक व मार्गदर्शक, सहकारी यांचा मोलाचा वाटा आहे. यंदाचा देखील वाई फेस्टिवल हा अधिक रंगतदार, भव्य आणि प्रेरणादायी होण्यासाठी सर्वांनी एकत्र यावे, स्पर्धक प्रेक्षक व प्रायोजक म्हणून सहभागी व्हावे आणि हा सोहळा संस्मरणीय बनवावा असे आवाहन फेस्टिवल चे अध्यक्ष श्री शरद चव्हाण यांनी केले. सर्वांच्या सहकार्याने हा उत्सव केवळ वाईपुरता सिमित राहणार नाही, तर महाराष्ट्राच्या सांस्कृतिक नकाशावर एक ठळक ठसा उमटवेल अशी आशा देखील त्यांनी यावेळी व्यक्त केली. वाई फेस्टिवल मध्य सहभागी होण्यासाठी व अधिक माहितीसाठी उत्कर्ष नागरी सहकारी पतसंस्था मर्यादित वाई अथवा ८६८७१००१०० यावर संपर्क करावा असे फेस्टिवलचे कोषाध्यक्ष ॲड रमेश यादव व सचिव श्री सुनील शिंदे यांनी पत्रकार परिषदेत सांगितले. याप्रसंगी फेस्टिवल चे समिती सदस्य श्रीमती अनुराधा कोल्हापुरे, श्री मदन साळवेकर , श्री श्रीकांत शिंदे , श्री सलीमभाई बागवान , श्री संजय वाईकर , श्री सागर मुळे , श्री वैभव फुले , श्री भूषण तारू , श्री शैलेंद्र गोखले , श्री अमीर बागुल , सौ प्रीती कोल्हापुरे , श्री नितीन वाघचौडे , श्री तुकाराम जेधे , श्रीमती नीला कुलकर्णी , श्रीमती अलका घाडगे, श्री प्रशांत मांढरे , श्री प्रणव गुजर , श्री निखिल चव्हाण , श्री नितीन शिंदे , श्री ओंकार सपकाळ हे उपस्थित होते.
