उरमोडी धरण 90% हून अधिक भरले
सातारा -सद्यस्थिती मध्ये उरमोडी धरणामध्ये 9.08 टीएमसी ( 91% ) पाणीसाठा झाला असून, धरणाच्या पाणलोट क्षेत्रामध्ये रात्रीपासून चालू असलेल्या पावसामुळे धरणामध्ये येणारा येवा वाढत आहे. धरणाची पाणी पातळी नियंत्रित करणेसाठी आज दिनांक 31 जुलै 2026 रोजी उरमोडी धरणाचे सांडव्यामधून सोडण्यात आलेल्या विसर्गात एकूण 1500 क्युसेक ने वाढ करणेत येत आहे.
सांडव्यातून एकूण विसर्ग हा 3000 क्युसेक इतका असणार आहे. नदीपात्रात जलविद्युत प्रकल्पाचा 450 क्युसेक विसर्ग चालूच आहे. नदी पात्रात एकूण विसर्ग 3450 क्युसेक इतका असणार आहे.तसेच सोडण्यात येणार्या विसर्गामध्ये पावसाच्या प्रमाणानुसार व येणार्या येवा नुसार बदल होऊ शकतो.धरणाच्या सांडव्यावरून सोडण्यात येणाऱ्या पाण्यामुळे उरमोडी नदीच्या पाणीपातळीत वाढ होणार असलेने नदी पात्राजवळील नागरिकांना सतर्कतेचा इशारा देणेत येत आहे. तरी नदी तीरावरील गावातील नागरिकांनी नदी पात्रात जाऊ नये. नदी काठावरील ग्राम प्रशासन व संबंधित यंत्रणा यांनी नोंद घ्यावी.कार्यकारी अभियंता,
कृष्णा सिंचन विभाग, सातारा
