राष्ट्रीय नैसर्गिक शेती अभियान अंतर्गत कोल्हापूर विभागाची विभागस्तरीय नैसर्गिक शेती कार्यशाळा संपन्न
सातारा दि. 30 : राष्ट्रीय नैसर्गिक शेती अभियान अंतर्गत कोल्हापूर विभागाची (सातारा, सांगली, कोल्हापुर जिल्हयांची एकत्रित विभागस्तरीय नैसर्गिक शेती कार्यशाळा बुधवार दिनांक २९ एप्रिल २०२६ रोजी स्व. यशवंतराव चव्हाण बहु उद्देशिय सभागृह सातारा येथे पुणे कृषी आयुक्तालय आत्मा कृषी संचालक सुनील बोरकर यांचे अध्यक्षतेखाली संपन्न झाली.
कृषीइ विभाग व आत्मा अंतर्गत सन २०२६-२७ मध्ये कोल्हापूर विभागांतर्गत एकूण ३८५ नैसर्गिक शेतीशाळा राबविण्यात येणार आहेत. सदर शेतीशाळेसाठी निवड करणेत आलेले नैसर्गिक शेती प्रेरक, शेतीशाळा आयोजक शेतकरी, समन्वयक अधिकारी, तालुका तंत्रज्ञान व्यवस्थापक, सहाय्यक तंत्रज्ञान व्यवस्थापक, केव्हिके शास्त्रज्ञ, शेतकरी यांची कार्यशाळा आयोजित करण्यात आलेली होती.
सदर कार्यशाळेचे प्रास्ताविक अजय शेंडे, प्रकल्प संचालक आत्मा सातारा यांनी केले. उपस्थित अधिकारी, कर्मचारी व शेतकरी यांना कर्मचारी व शेतकरी यांना सुनील बोरकर, कृषी संचालक, आत्मा, कृषी आयुक्तालय, महाराष्ट्र राज्य, पुणे यांनी नैसर्गिक शेती विषय सखोल असे मार्गदर्शन केले तसेच नैसर्गिक शेती शेतीशाळेबाबत शासनाची संकल्पना, शासनाचे धोरण तसेच शेतकऱ्यांनाचा उत्पादन खर्च कमी करून रासायनिक निविष्ठांवरील अवलंबित्व कमी करणेबाबत सविस्तर मार्गदर्शन केले
