उंब्रज येथील 225 कोटीच्या पारदर्शक पुलाचे सादरीकरण आमदार मनोजदादा घोरपडे व राष्ट्रीय महामार्गाचे अधिकारी तसेच उंब्रज ग्रामस्थ यांची उपस्थिती
कराड- कराड उत्तर विधानसभा मतदारसंघातील उंब्रज ही सर्वात मोठी बाजारपेठ आहे. या ठिकाणी कराड सारखा पारदर्शक उड्डाणपूल व्हावा म्हणून ग्रामस्थ तसेच परिसरातील नागरिक गेली अनेक वर्ष प्रयत्न करत होते. परंतु त्यांना हा ब्रिज होईल अशी अपेक्षा राहिली नव्हती. आमदार मनोजदादा घोरपडे यांनी सातत्यपूर्ण पाठपुरावा करून हा ब्रिज मंजूर करून आणला आणि काल त्याचे सादरीकरण राष्ट्रीय महामार्गाचे अधिकारी उंब्रज ग्रामस्थ यांच्या वतीने कराड उत्तरचे आमदार मनोजदादा घोरपडे यांच्यासमोर करण्यात आले. यावेळी वरून सहा लेन आणि खालून आठ लेन चा हा पारदर्शक पुल होणार असून तारळी नदीपासून चालू होणारा हा पूल उत्तरमांड नदीपर्यंत जाणार आहे.
सदर पुलाची लांबी 1200 मीटर असून त्याची निविदा 225 कोटी इतकी आहे. ना. नितीनजी गडकरी व खा. उदयनराजे भोसले यांच्या सहकार्याने या पुलाची निवीदा लवकरच निघणार असून लवकरात लवकर पुलाचे काम चांगल्या दर्जाचे करणार असल्याची माहिती कराड उत्तरचे आमदार मनोजदादा घोरपडे यांनी दिली.
या पुलामुळे उंब्रज सह 35 गावच्या दळणवळणाचा व वाहतूक कोंडीचा प्रश्न सुटणार आहे. या ठिकाणी साखर कारखाने चालू असताना ऊस वाहतुकीमुळे मोठ्या प्रमाणामध्ये वाहतूक कोंडी होते. त्याचा त्रास सामान्य नागरिकांना तसेच व्यापारी मार्गाला मोठ्या प्रमाणात होत असतो.
यावेळी आमदार मनोजदादा घोरपडे,राष्ट्रीय महामार्गाचे अधिकारी संजय कदम, महेश शितोळे,विक्रम घोरपडे, अजय घारे, महेशबाबा जाधव,चंद्रकांत जाधव,जयवंत जाधव, योगीराज जाधव, रणजीत जाधव, दिगंबर भिसे पाटील, पवन जाधव, विजय जाधव, विनायक जाधव, गणेश सूर्यवंशी आदी ग्रामस्थ उपस्थित होते.
उंब्रज पारदर्शक उड्डाणपूल व्हावा ही समस्त उंब्रजकरांची मागणी आमदार मनोजदादा घोरपडे यांच्या प्रयत्नाने पूर्णत्वास जात आहे. यामुळे उंब्रजच्या वैभवात भर पडणार आहे.
उंब्रज मध्ये शासकीय विश्रामगृह व्हावे ही सुद्धा उंब्रजकारांची इच्छा आमदार मनोजदादा घोरपडे यांच्या प्रयत्नामुळे पूर्ण होऊन या ठिकाणी सुद्धा लवकरच सुसज्ज असे शासकीय विश्रामगृह उभे राहणार असून त्याला सुद्धा मंजुरी मिळाली आहे.
लवकरच उंब्रजकरांसाठी अप्पर तहसील, सब रजिस्टर कार्यालय तसेच नगरपंचायत करण्यासाठी आमदार मनोजदादा घोरपडे यांच्याकडून प्रयत्न सुरु आहेत.
