एक्झिट परीक्षा विलंबाने देशातील डी फार्मसी विद्यार्थ्यांमध्ये तीव्र असंतोष
पाच महिन्यांपासून विद्यार्थी प्रतिक्षेत, भोंगळ कारभाराचा विद्यार्थ्यांना फटका, विद्यार्थी, पालक त्रस्त फार्मासिस्टच्या अधिकृत नोंदणीला ब्रेक
सातारा – औषध निर्माण क्षेत्रातील शिखर संस्था फार्मसी कौन्सिलिंग ऑफ इंडिया (पी.सी.आय नवी दिल्ली) व त्यास अनुसरून इतर संस्थेमधील समन्वयाच्या अभावामुळे देशातील व राज्यातील औषध निर्माण शास्त्र शाखेतील शिक्षण घेणारे विद्यार्थी भरङले जात आहेत प्रवेश प्रक्रियेपासून ते निकाल घोषित पर्यंतच्या सर्व स्तरावरील कार्यप्रणालीचा फटका विद्यार्थ्यांना सहन करावा लागतो या यंत्रणेतील त्रुटीमुळे सध्या विद्यार्थ्यांमध्ये तीव्र असंतोष वाढू लागला आहे शैक्षणिक वर्ष सन 2024- 25 मधील पदवी व पदव्युत्तर अभ्यासक्रमातील (बी फार्मसी, एम फार्मसी ,फार्म.डी )प्रवेश प्रक्रियेला झालेला विलंब त्याचप्रमाणे शैक्षणिक वर्ष सन 2023 -24 मध्ये डी फार्मसी उत्तीर्ण विद्यार्थ्यांसाठी बंधनकारक केलेली एक्झिट परीक्षेस झालेला विलंब पाहता विद्यार्थ्यांच्या भवितव्याशी खेळ करणाऱ्या यंत्रणेबाबत विद्यार्थी ,पालक वर्गात तीव्र असंतोषाची भावना निर्माण झाली आहे याविषयी गौरीशंकरचे जनसंपर्क अधिकारी श्रीरंग काटेकर सातारा याचे विशेष वृत्त
औषध निर्माण शास्त्र शाखेतील पदविका( ङी.फार्मसी )अभ्यासक्रमावर आधारित एक्झिट एक्झाम ही राष्ट्रीय स्तरावर परीक्षा राबविण्यात येते शैक्षणिक वर्ष सन 2023- 24 पासून देशातील सर्व औषध निर्माण शास्त्र पदविका प्राप्त विद्यार्थ्यांना फार्मसी कौन्सिल ऑफ इंडिया नवी दिल्ली (पी.सी.आय ) या शिखर संस्थेने विद्यार्थ्यांना एक्झिट एक्झाम देणे बंधनकारक केले आहे औषध निर्माण शास्त्र शाखेतील दर्जात्मक व गुणात्मक शिक्षणातून तज्ञ कुशल व कौशल्ये विकसित फार्मासिस्ट घडविणे त्याचबरोबर बदलत्या काळानुसार सक्षम रुग्णसेवा देऊन औषध निर्माण शाखेचा दर्जा उंचाविणे या हेतूने डी फार्मसी एक्झिट एक्झाम घेण्याचा धोरणात्मक निर्णय फार्मसी कौन्सिल ऑफ इंडिया नवी दिल्लीने (पी.सी.आय) घेतला आहे सदरची परीक्षा नॅशनल बोर्ड ऑफ एक्झामिनेशन इन मेडिकल सायन्सेस (एन. बी. ई. एम. एस. नवी दिल्ली ) यांच्यामार्फत घेण्यात येणार आहे वर्षातून दोन वेळा घेण्यात येणाऱ्या या परीक्षेबाबत दिनांक 3,4 व 5ऑक्टोबर 2024 रोजी तीन दिवस तीन पेपर अशा वेळापत्रकानुसार घेण्यात येणार होती यासाठी देशभरातील सर्व महाविद्यालयातील डी फार्मसी व्दितीय वर्ष उत्तीर्ण झालेले विद्यार्थी या परीक्षेत बसण्यासाठी इच्छुक होते परंतु दिनांक 20 ऑक्टोबर 2024 च्या (एन .बी.ई, एम. एस नवी दिल्ली) यांच्या आदेशानुसार ही परीक्षा पुढे ढकलण्यात आल्याचे संकेतस्थळावरून विद्यार्थ्यांना कळविण्यात आले वास्तविक ही परीक्षा नियमाच्या अधीन राहून वेळेत पूर्ण होणे गरजेचे होते परंतु संबंधित यंत्रणेच्या गलथान कारभाराचा नाहक त्रास विद्यार्थ्यांना सोसावा लागत आहे या परीक्षेला विलंब होत असल्याने डी फार्मसी परीक्षा उत्तीर्ण होऊनही विद्यार्थ्यांना फार्मासिस्ट म्हणून फार्मसी ऑफ इंडिया कडे अधिकृत नोंदणी करता येत नाही परिणामी औषध निर्माण शास्त्र शाखेची पदवी आहे पण नोकरी अथवा व्यवसाय सुरू करता येत नाही ही विद्यार्थ्यांची मोठी शोकांतिका आहे अशी स्थिती सर्व देशभरातील औषध निर्माण शास्त्र शाखेतील उत्तीर्ण विद्यार्थ्यांची झाली आहे याबाबत संबंधीत यंत्रणेचे झालेले दुर्लक्ष विद्यार्थ्यांच्या करिअरसाठी घातक ठरत आहेत यावर गांभीर्याने पाहणे व निर्णय घेणे अपेक्षित आहे देशातील जवळपास 2892 महाविद्यालयातून जवळपास 1,72920 दरवर्षी प्रवेश घेतात यामधील सरासरी एक लाख विद्यार्थी उत्तीर्ण होतात अशी उत्तीर्ण झालेल्या विद्यार्थ्यांच्या एक्झिट एक्झाम वेळेत न झाल्याने विविध समस्या विद्यार्थ्यांपुढे व त्यांच्या पालकांपुढे निर्माण झाल्याचे चित्र दिसून येत आहे एक्झिट एक्झाम ही परीक्षा कधी व कशी होणार याबाबत अद्याप कोणताही निर्णय अथवा आदेश संबंधित यंत्रणे कडून महाविद्यालयांना प्राप्त न झाल्याने देशभरातील ङी फार्मसी उत्तीर्ण विद्यार्थ्यांमध्ये संभ्रमाचे वातावरण निर्माण झाले आहे अजून किती काळ वाट पाहावी लागणार या प्रतिक्षेत विद्यार्थी चिंतातूर आहेत तसेच गेल्या पाच महिन्यांपूर्वी उत्तीर्ण झालेल्या डी फार्मसी च्या विद्यार्थ्यांना आता त्यांच्या भविष्याची चिंता वाटू लागली आहे.
शैक्षणिक वर्ष सन 2023- 24 मध्ये फार्मसी उत्तीर्ण झालेल्या देशभरातील असंख्य विद्यार्थ्यांनी भविष्यातील उज्वल करिअरचे स्वप्न उराशी ठेवून तीन महिन्याचे ट्रेनिंग पूर्ण केलेले असते यानंतरच त्यांना फार्मासिट म्हणून आपापल्या राज्यातील फार्मसी कौन्सिलिंग कडे नोंदणीसाठी अर्ज करता येतो उदा. महाराष्ट्र स्टेट फार्मसी कौन्सिलिंग मुंबई (एम .एस. पी. सी )यांच्याकडे राज्यातील उत्तीर्ण झालेले फार्मासिस्ट नोंदणी करतात अधिकृत नोंदणी झाल्यावरच त्याचे प्रमाणपत्रच्या आधारे नोकरी अथवा व्यवसाय सुरू करता येतो देशातील असंख्य विद्यार्थ्यांनी उत्तीर्ण झाल्यावर नोंदणी होईल या आशेवर मेडिकल शॉप व अंतर्गत सजावट (फर्निचर ) सह लाखो रुपयांची गुंतवणूक केलेली असताना केवळ एक्झिट एक्झाम च्या विलंबामुळे विद्यार्थ्यांचे भवितव्य टांगणीला लागले आहे याची नोंद संबंधित यंत्रणेने त्वरित घ्यावी हीच देशभरातील डी फार्मसी उत्तीर्ण झालेल्या विद्यार्थ्यांची अपेक्षा आहे.
श्रीरंग काटेकर
जनसंपर्क अधिकारी
गौरीशंकर नॉलेज सिटी लिंब. सातारा
