पार्वतीपूर पार येथे दिमाखदार पालखी सोहळ्याने श्रीराम वरदायिनी मातेच्या यात्रेस प्रारंभ
महाबळेश्वर:ऐतिहासिक महत्व लाभलेल्या महाबळेश्वर तालुक्यातील श्रीक्षेत्र पार्वतीपूर पार येथिल श्रीराम वरदायिनी मातेच्या वार्षिक यात्रौत्सवास मोठ्या जल्लोषात सुरुवात झाली.सकाळी श्रीराम वरदायिनी देवी तसेच मंदिर परिसरातील इतर देव देवतांना जलाभिषेक करण्यात आला.
श्रीराम वरदायिनी मातेच्या मुळ स्थान मेट येथिल मंदिराती मुर्तीस जलाभिषेक करण्यात आला.सायंकाळी ४ वा.मंदिरात सत्यनारायण महापूजा संपन्न झाली.तर सायंकाळी ५ वा. नंतर देवीची पालखी मिरवणुकीस पारंपारीक वाद्यांच्या गजरात आणि शिव हर,हर,महादेव श्रीराम वरदायिनी आचं चांगं भलं च्या जयघोषात आणि फटाक्यांची आतषबाजी करत मिरवणूक पार पङली.
यावेळी गावात पालखी सोहळ्याच्या वेळी महिला वर्गाने पालखीच्या स्वागता साठी संध्याकाळच्या वेळेस प्रत्येकांच्या घरांच्या अंगणात सङा,सारवन करुन काढलेल्या आकर्षक रांगोळ्यानी आणि पालखी मार्गाच्या दुतर्फा दिवे लावुन आपला आनंद साजरा केला.यावेळी संपूर्ण गाव दिव्यांच्या प्रकाशाने ऊजळुन निघाले होते.अबालवृध्दांचा आनंद ओसंङुन वाहत होता.
पालखी मिरवणूकी नंतर पालखी मंदीरात येताच सर्व ग्रामस्थांच्या उपस्थितीत आईच्या सासन काठीच्या उभारणीचा कार्यक्रम संपन्न झाला.यावेळी ग्रामस्थांच्या वतीने महाप्रसादाचे आयोजन देखिल करण्यात आले होते.
