नायगावात यात्रेचा उत्साह शिगेला; विविध कार्यक्रमांचे आयोजन-सरपंच नितीनशेठ धुमाळ
नायगाव ता. कोरेगाव येथील ग्रामदैवत श्री .नागनाथ व जोगुबाई च्या वार्षिक यात्रेनिमित्त बुधवार दिनांक १५ एप्रिल ते शनिवार दिनांक १८एप्रिल पर्यंत विविध धार्मिक व मनोरंजनाच्या कार्यक्रमांचे आयोजन करण्यात आले आहे. अशी माहिती नायगाव चे सरपंच नितीनशेठ धुमाळ यांनी दिली.
नायगाव येथे श्री. नागनाथ व जोगुबाई यांची यात्रा विशेष उत्साहात दरवर्षी साजरी केली जाते. उद्या बुधवारी संध्याकाळी साडे पाच वाजता देवाची हळद होणार आहे. गुरुवारी संध्याकाळी सहा वाजता नाथांचा शाही विवाह सोहळा संपन्न होणार आहे. रात्री नऊ वाजता नाथांचा भव्य छबिना निघणार आहे.शुक्रवारी सकाळी नांदवळकर तमाशा मंडळ यांच्या तमाशाचे आयोजन करण्यात आले आहे.रात्री नऊ वाजता ऑर्केस्ट्रा होणार आहे.
शनिवारी रात्री नऊ वाजता लावण्य जल्लोष हा कार्यक्रम होणार आहे. तरी वरील सर्व कार्यक्रमांचा लाभ घ्यावा असे आवाहन यात्रा कमिटी व ग्रामस्थ मंडळ नायगाव यांनी केले आहे
