संत सखुबाई पायी दिंडी चे शेवाळेवाडी येवती येथून पंढरपूर कडे प्रस्थान
कराड – शेवाळेवाडी येवती ता, कराड येथील संत सखुबाई पायी दिंडीचे पंढरपूर कडे बुधवार दिनांक 15 रोजी सकाळी आठ वाजता प्रस्थान झाले, या दिंडीचे चालक-मालक ह, भ, प, शंकर महाराज महिंदकर यांच्या मार्गदर्शनाखाली गेल्या 17 वर्षापासून हा दिंडी सोहळा अविरतपणे सुरू आहे.
या दिंडी सोहळ्यात परिसरातील भाविक भक्त मोठ्या आनंदाने या दिंडीमध्ये सामील होऊन पायी वारीचा आनंद घेतात त्यांना पांडुरंगाच्या भेटीची आतुरता लागलेली असते, हा सुख सोहळा स्वर्गी नाही याचा ते अनुभव घेतात आयुष्यात आल्यानंतर एकदा तरी पांडुरंगाची वारी करावी ही प्रत्येकाची इच्छा असते हाच दृष्टिकोन डोळ्यासमोर ठेवून या परिसरातील भाविक या पायी दिंडीच्या सोहळ्यामध्ये सामील होतात, दिंडी येवती गावात आल्यानंतर येवतीचे ग्रामदैवत श्री भैरवनाथ देवाचे दर्शन घेऊन दिंडी पुढील प्रवासास मार्गस्थ झाली यावेळी मोठ्या संख्येने येवती ग्रामस्थ उपस्थित होते.
