सातारा डायग्नोस्टिक सेंटरमध्ये ३१ जुलै रोजी मोफत बीएमडी तपासणी शिबिर
सातारा : श्री एम. डी. शिंदे चॅरिटेबल अँड मेडिकल ट्रस्ट, सातारा यांच्या सौजन्याने शुक्रवार, दि. ३१ जुलै २०२६ रोजी सातारा डायग्नोस्टिक सेंटर येथे हाडांच्या ठिसूळपणाची (Bone Mineral Density – BMD) मोफत तपासणी शिबिराचे आयोजन करण्यात आले आहे.
हे शिबिर सकाळी ११ ते दुपारी १ या वेळेत सातारा डायग्नोस्टिक सेंटर येथे होणार असून, हाडांच्या आरोग्याबाबत जनजागृती करून ऑस्टिओपोरोसिससारख्या आजाराचे वेळेवर निदान व्हावे, हा या उपक्रमाचा उद्देश आहे.
या शिबिरात ज्येष्ठ नागरिक, विशेषतः रजोनिवृत्तीनंतरच्या महिला, कॅल्शियमची कमतरता असलेले रुग्ण, वारंवार पाठदुखी, सांधेदुखी किंवा हाडे दुखण्याचा त्रास असलेले रुग्ण, तसेच सर्वसामान्य, गरजू व आर्थिकदृष्ट्या दुर्बल नागरिकांनी सहभागी होऊन या मोफत तपासणीचा लाभ घ्यावा, असे आवाहन आयोजकांनी केले आहे. ओपीडीसाठी येणारे रुग्ण व त्यांचे नातेवाईकही या शिबिराचा लाभ घेऊ शकतात.
शिबिरासाठी नोंदणी व अधिक माहितीसाठी ०२१६२-२२७२२९, ९९२१९९८००० तसेच हेल्पलाईन ९१६८४३२४३२ या क्रमांकांवर संपर्क साधावा, असे श्री एम. डी. शिंदे चॅरिटेबल अँड मेडिकल ट्रस्टतर्फे कळविण्यात आले आहे.
