गिरिजा हॉस्पिटलच्या २८ व्या वर्धापनदिनानिमित्त १५ ऑगस्ट रोजी तपासणी व मार्गदर्शन शिबिर
सातारा : गिरिजा हॉस्पिटल मल्टिस्पेशालिटी सेंटर, सातारा यांच्या २८ व्या वर्धापनदिनानिमित्त शनिवार, १५ ऑगस्ट २०२६ रोजी सकाळी १० ते दुपारी १ या वेळेत मोफत तपासणी व मार्गदर्शन शिबिराचे आयोजन करण्यात आले आहे.
या शिबिरामध्ये मेंदू व मणक्याचे विकार, अस्थिरोग तसेच त्वचा व केस विकार यासंदर्भात तज्ज्ञ डॉक्टरांकडून तपासणी व मार्गदर्शन करण्यात येणार आहे. डोकेदुखी, मणक्याचे विकार, मेंदूतील गाठ, फिट्स, फ्रॅक्चर, सांधेदुखी, केस गळणे, कोड, पुरळ, अॅलर्जी आदी समस्यांवर सल्ला दिला जाणार आहे.
शिबिरात डॉ. सुनील यादव (न्युरोसर्जन), डॉ. रोहित एस. यादव (अस्थिरोग व सांधे प्रत्यारोपण तज्ज्ञ) आणि डॉ. अश्विनी आर. यादव (त्वचा व केस विकार तज्ज्ञ) उपस्थित राहून रुग्णांना मार्गदर्शन करणार आहेत.
याशिवाय शिबिरादरम्यान एक्स-रे व सीटी स्कॅनवर २५ टक्के सवलत तसेच हाडांची विस्कळीतता (BMD) तपासणी मोफत करण्यात येणार आहे. शिबिरासाठी नोंदणी शुल्क १०० रुपये असून इच्छुकांनी आगाऊ नोंदणी करण्याचे आवाहन आयोजकांनी केले आहे.
