मुख्यमंत्री देवेंद्र फडणवीस यांच्या अध्यक्षतेखाली नाशिक-त्र्यंबकेश्वर महासिंहस्थ कुंभमेळा 2027 चा आढावा
मुंबई : राज्याचे मुख्यमंत्री देवेंद्र फडणवीस यांच्या अध्यक्षतेखाली ‘नाशिक-त्र्यंबकेश्वर महासिंहस्थ कुंभमेळा 2027’ संदर्भात महत्त्वपूर्ण आढावा बैठक पार पडली. आगामी कुंभमेळ्याच्या नियोजनासाठी आवश्यक पायाभूत सुविधा, वाहतूक व्यवस्था, सुरक्षा, स्वच्छता, आरोग्य सेवा, निवास व्यवस्था तसेच भाविकांना दर्जेदार सुविधा उपलब्ध करून देण्याबाबत बैठकीत सविस्तर चर्चा करण्यात आली.
यावेळी उपमुख्यमंत्री सुनेत्रा अजित पवार, मंत्री गिरीष महाजन, मंत्री नरहरी झिरवाळ, आमदार देवयानी फरांदे, आमदार सीमा हिरे, आमदार ॲड. राहुल ढिकले, आमदार सरोज आहिरे, आमदार हिरामण खोसकर, नाशिकच्या महापौर हिमगौरी आहेर-आडके तसेच विविध विभागांचे वरिष्ठ अधिकारी उपस्थित होते.
बैठकीत कुंभमेळ्याच्या नियोजनातील विविध कामांचा आढावा घेण्यात आला असून, भाविकांना सुरक्षित, स्वच्छ आणि सुकर सुविधा उपलब्ध करून देण्यासाठी सर्व संबंधित विभागांनी समन्वयाने काम करण्याच्या सूचना मुख्यमंत्री देवेंद्र फडणवीस यांनी दिल्या. महासिंहस्थ कुंभमेळा 2027 यशस्वी आणि भव्य स्वरूपात पार पाडण्यासाठी शासनाकडून आवश्यक त्या सर्व उपाययोजना करण्यात येणार असल्याचे यावेळी स्पष्ट करण्यात आले.
