वटपौर्णिमेनिमित्त वृक्षसंवर्धनाला प्रतिसाद
सातारा– येथील रानवाटा निसर्ग आणि पर्यावरण संवर्धन मंडळ आणि पर्यावरण संरक्षण गतिवर्धी यांच्या माध्यमातून वटपौर्णिमा व वृक्षसंवर्धन कार्यक्रमाचे आयोजन करण्यात आले होते. यावेळी वडाचे रोप लावून व झाडांना पाणी घालून प्रातिनिधिक स्वरूपात वटपौर्णिमा साजरी करण्यात आली.
रानवाटा मंडळाद्वारे आयोजित करण्यात आलेल्या या वृक्षसंवर्धन कार्यक्रमास यशोदा शिक्षण संस्थेचे साधना इंग्लिश मीडियम स्कूलच्या एनसीसी कॅडेट्स, मुख्याध्यापिका, शिक्षकवृंद तसेच पालकांनी उत्स्फूर्त प्रतिसाद देत पर्यावरण संवर्धनाचा संदेश समाजापर्यंत पोहोचविण्यास मोलाचे योगदान दिले.
शेंद्रे येथील कृषी सहायक अधिकारी सौ. हेमलता फडतरे यांची प्रमुख उपस्थिती होती. या कार्यक्रमात योग विद्या धाम, सृष्टी सामाजिक संस्था, स्फूर्ती वुमन विंग, बीआयए सातारा, सुवर्धिनी फाउंडेशन इत्यादी संस्था सहभागी झाल्या होत्या.रानवाटा मंडळाचे अध्यक्ष पुरुषोत्तम पाटील यांनी सर्व संस्थांचे आभार मानले.
