केळघर येथे उद्या महात्मा बसवेश्वर महाराज जयंतीनिमित्त विविध कार्यक्रमांचे आयोजन
केळघर:१२व्या शतकातील थोर समाजसुधारक वीरशैव लिंगायत धर्माचे संस्थापक महात्मा बसवेश्वर महाराज यांच्या जयंतीनिमित्त केळघर येथील वीरशैव लिंगायत समाज यांच्या वतीने उद्या रविवारी (ता:१९)विविध कार्यक्रमांचे आयोजन करण्यात आले आहे.
महात्मा बसवेश्वर महाराज जयंतीनिमित्त उद्या रविवारी सकाळी बसवेश्वर महाराज यांच्या प्रतिमेचे पूजन करण्यात येणार आहे. दुपारी चार वाजता तीर्थप्रसाद व संध्याकाळी सहा वाजता सांस्कृतिक कार्यक्रम व महिलांसाठी हळदी-कुंकू कार्यक्रम होणार आहेत. तरी वरील सर्व कार्यक्रमांना उपस्थित राहावे, असे आवाहन वीरशैव लिंगायत समाज व ग्रामस्थ मंडळ केळघर यांनी केले आहे
