नीट चा पेपर पुन्हा होणार
पेपर लीक झाल्यामुळे वैद्यकीय प्रवेश परीक्षा NEET UG रद्द करण्यात आली आहे. ३ मे रोजी ही परीक्षा पार पडली होती, ज्यामध्ये सुमारे २२ लाख विद्यार्थी सहभागी झाले होते. आता ही परीक्षा पुन्हा घेतली जाणार असून, या प्रकरणाचा तपास CBI कडे सोपवण्यात आला आहे.
३ मे रोजी झालेली नीट यूजी २०२६ परीक्षा अखेर १२ मे रोजी रद्द करण्यात आली. ३ मे रोजी २२ लाख विद्यार्थ्यांनी दिलेली ही परीक्षा सुरक्षित असल्याचा दावा ‘एनटीए’ने केला होता; मात्र त्यानंतर राजस्थान आणि उत्तराखंडमधून समोर आलेल्या प्रश्नपत्रिकांमधील साम्यामुळे वादाला तोंड फुटले. राजस्थान SOG च्या तपासात १३५ प्रश्न तंतोतंत जुळल्याचे समोर आल्यानंतर राजकीय दबाव वाढला आणि अखेर एनटीएने फेरपरीक्षेचा निर्णय घेतला.
