महाबळेश्वर तालुक्यातील ७९ ग्रामपंचायतींच्या सरपंचपदाची आरक्षण सोडत जाहीर
महाबळेश्वर, ४ जुलै २०२५: महाबळेश्वर तालुक्यातील एकूण ७९ ग्रामपंचायतींच्या सरपंचपदाची आरक्षण सोडत आज सकाळी ११ वाजता खादी ग्रामोद्योग मंडळ, मध संचलनालय सभागृह, महाबळेश्वर येथे पार पडली. तहसीलदार सचिन मस्के यांच्या प्रमुख नेतृत्वाखाली ही सोडत काढण्यात आली, त्यावेळी नियंत्रण अधिकारी तथा उपजिल्हाधिकारी, सातारा, अभिषेक देशमुख यांची प्रमुख उपस्थिती होती.
जिल्हाधिकारी सातारा यांच्या आदेशानुसार, एकूण ७९ ग्रामपंचायतींमध्ये सरपंचपदासाठी खालीलप्रमाणे जागा मंजूर करण्यात आल्या आहेत:
अनुसूचित जाती: एकूण ६ पदे (३ महिला, ३ खुला)
अनुसूचित जमाती: एकूण ५ पदे (३ महिला, २ खुला)
नागरिकांचा मागास प्रवर्ग (N.M.P): एकूण २१ पदे (११ महिला, १० खुला)
सर्वसाधारण प्रवर्ग: एकूण ४७ पदे (२४ महिला, २३ खुला)
तहसीलदार सचिन मस्के यांनी सोडतीद्वारे जाहीर केलेली सरपंचपदाची गावनिहाय आरक्षित पदे खालीलप्रमाणे आहेत:
अनुसूचित जाती:
महिलांसाठी आरक्षित (३): शिंदी, गोडवली, वानवली तर्फ सोळशी
खुला प्रवर्ग (३): वलवण, रेणोशी, गुरेघर
अनुसूचित जमाती:
महिलांसाठी आरक्षित (३): येर्णे बु, माचुतर, भोसे
खुला प्रवर्ग (२): आमशी, गोरोशी
नागरिकांचा मागास प्रवर्ग (N.M.P):
महिलांसाठी आरक्षित (११): पिपरी तर्फ तांब, मेटगुताड, अहिर, आकल्पे, एरंडल, रुळे, बिरवाडी, तळदेव, आरव, जावली, रामेघर
खुला प्रवर्ग (१०): दांडेघर, झांजवड, कुमठे, कुंभरोशी, पाली तर्फ आटेगाव, कुरोशी, वेंगळे, दानवली, वेळापूर, चतुरबेट
सर्वसाधारण प्रवर्ग:
महिलांसाठी आरक्षित (२४): भेकवली, कासवंड, नाकिंदा, आचली, शिरवली, वाळणे, कळमगाव, दाभेदाभेकर, सौंदरी, मांघर, खरोशी, पांगारी, दाभेदाभेमोहन, खिगर, क्षेत्र महाबळेश्वर, मोळेश्वर, घावरी, पारुट, दुधगाव, आंब्रळ, भिलार, कोट्रोशी, वारसोळीदेव, तायघाट
खुला प्रवर्ग (२३): मेटतळे, हरचंदी, सोनाट, देवळी, गावढोशी, अवकाळी, मोरणी, उचाट, गोगवे, देवसरे, निवळी, भिमनगर, खांबील चोरगे, हातलोट, सालोशी, चिखली, लाखवड, पर्वत तर्फ वाघवले, बिरमणी, लामज, राजपुरी, पारपार, उंबरी
या सरपंचपदाच्या आरक्षण सोडती कार्यक्रमाची प्रस्तावना निवासी नायब तहसीलदार दीपक सोनावले यांनी केली. या सोहळ्याचे कामकाज नायब तहसीलदार विनोद सावंत (महसूल), नायब तहसीलदार जहिदा शेख (निवडणूक), सहायक महसूल अधिकारी हेमंत सुळ आणि दीपक चव्हाण, महसूल सहायक केशव नांदेडकर, तसेच इतर महसूल कर्मचाऱ्यांनी यशस्वीरित्या पाहिले.
या महत्त्वाच्या आरक्षण कार्यक्रमाला महाबळेश्वर तालुक्यातील ग्रामस्थ, सरपंच, विविध राजकीय पक्षांचे पदाधिकारी, ग्रामपंचायत सदस्य, पोलीस पाटील, मंडळ अधिकारी, ग्राम महसूल अधिकारी आणि ग्राम अधिकारी मोठ्या संख्येने उपस्थित होते. या आरक्षणामुळे तालुक्यातील आगामी ग्रामपंचायत निवडणुकीचे चित्र स्पष्ट झाले आहे.
