महाबळेश्वर : सूर्यास्त ते सूर्योदय दरम्यान विल्सन पॉईंट बंद राहणार; वन विभागाचे आवाहन
महाबळेश्वरातील प्रसिद्ध सूर्योदय स्थळ असलेल्या विल्सन पॉईंट येथे पर्यटकांच्या सुरक्षिततेच्या दृष्टीने सूर्यास्तानंतर ते सूर्योदयापर्यंत प्रवेश बंद ठेवण्यात येणार असल्याचे वन विभागाने स्पष्ट केले आहे. महाबळेश्वर परिसरातील दऱ्या, अंधार, धुके आणि पावसाळ्यात वाढणारा धोका लक्षात घेऊन हा निर्णय घेण्यात आला आहे.
वन विभागाने पर्यटकांना रात्रीच्या वेळी विल्सन पॉईंट परिसरात जाणे टाळण्याचे आवाहन केले असून, नियमांचे पालन करून स्वतःची सुरक्षितता जपण्याचे सांगितले आहे. विल्सन पॉईंट हे महाबळेश्वरमधील सर्वात उंच ठिकाणांपैकी एक असून सूर्योदय पाहण्यासाठी प्रसिद्ध आहे.
