कुमठे जिल्हा परिषद गटातून निवडणूक लढावीणार – रमेश उबाळे
कोरेगाव-कोरेगाव तालुक्यातील कुमठे जिल्ह्या परिषद गटातून आपण निवडणूक लढावीणार असल्याची माहिती पीपल्स रिपब्लिकन पार्टी पश्चिम महाराष्ट्र उपाध्यक्ष रमेश उबाळे यांनी नुकतेच जाहीर केले आहे.
रमेश उबाळे हे ल्हासुर्णे गावाचे आहेत. ल्हासुर्णे पंचायत समिती तसेच कुमठे पंचायत समिती गण असा मिळून कुमठे जिल्हा परिषद गटाची रचना आहे. भारतीय जनता पार्टी, राष्ट्रवादी काँग्रेस (शरद पवार गट), पीपल्स रिपब्लिकन पार्टी, असा रमेश उबाळे यांचा राजकीय प्रवास राहिला असून जिल्ह्याधिकारी कार्यालयासमोर अनेक जनअंदोलन उभारून सर्वसामान्य घाटकातील लोकांना न्याय मिळवून देण्याचा प्रामाणिक प्रयत्न केला आहे. कोरेगाव तालुक्यातील भीमनगर -दरे येथील शेतकऱ्यांच्या जमिनी रेल्वे खात्याने घेतल्या अनेकवर्षे शेतकऱ्यांना जमिनीचा मोबादला मिळाला नव्हता रमेश उबाळे यांनी अमरण उपोषण करुन येथील शेतकऱ्यांना मोबदला मिळवून दिला.
प्रशसनात होणाऱ्या भ्रष्टाचाराविरोधात रमेश उबाळे यांनी आवाज उठवीला. कोरेगाव तालुक्यातील अनेक निकृष्ट दर्जाच्या रस्त्यातील भ्रष्टाचार उघड केला. सातारा-पंढरपूर, सातारा-पुणे या राष्ट्रीय महामार्गाच्या कामातील भ्रष्टाचार, मेडिकल कॉलेज, कोरेगाव नगर पंचायतीने केलेल्या निकृष्ट कामाविरोधात अमरण उपोषण, धरणे असे यशस्वी आंदोलन करुन प्रशासनातील अधिकाऱ्यांना रुळावर आणत पारदर्शक काम करायला भाग पाडले आहे.
याशिवाय रमेश उबाळे यांनी जात, पात, धर्म न पाहता माणूस म्हणुन अनेकांना आर्थिक मदतीचा हात देऊन सहकार्य केले आहे. वाढदिवसाच्या निमित्ताने युपीएससी, एमपीएससीच्या विदयार्थ्यांना अभ्यासाची मोफत पुस्तक स्वखर्चाने दिली आहेत. अनेक दिव्यांग बांधवाना स्वखर्चाने सायकली, व्यवसायासाठी पत्र्याचे शेड( टपरी) स्वखर्चाने दिले आहे. जिल्हा परिषद गटात कुमठे, शिरढोण, ल्हासुर्णे, चिमणगाव, जळगाव, तडवळे, जांब, त्रिपुटी, मंगळापूर सह सर्वच छोट्या, मोठया गावाशी त्यांचा अनेकवर्षांचा संपर्क राहिला आहे. या गावातील लोकांशी निगडित असलेले प्रश्न शासकीय दरबारी उपस्थित करुन त्यांनी न्याय मिळवून देण्याचा त्यांनी प्रयत्न केला आहे. शेतकरी, विद्यार्थी, महिलांचे प्रश्न रमेश उबाळे यांनी सोडविले आहेत. जिल्हा परिषद गटातील सर्वच गावांमध्ये रमेश उबाळे यांचे जिवाभावाचे कार्यकर्ते आहेत.
कुमठे जिल्हा परिषद गटातील अनेक गावांच्या ग्रामपंचायत निवडणुकीत रमेश उबाळे यांनी प्रत्यक्ष सहभाग घेऊन ग्रामपंचायत जिंकून आणण्यासाठी त्यांनी प्रयत्न केला असल्याने अनेक कार्यकर्त्यांशी त्यांचे निकटचे , कौटुंबिक जिव्हाळ्याचे संबंध राहिले आहेत. चार वर्षांपूर्वी झालेल्या ल्हासुर्णे ग्रामपंचायत निवडणूकितही त्यांनी रंग भरण्याचे महत्वपूर्ण काम केले होते. जिल्हा परिषद-पंचायत समितीच्या निवडणुका जाहीर आरक्षण जाहीर झाल्यानंतर सर्वच गावातील अनेक कार्यकर्त्यांनी रमेश उबाळे यांची प्रत्यक्ष भेट घेऊन तसेच मोबाइवरून संपर्क साधत त्यांना कुमठे जिल्हा परिषद गटातून निवडणूक लढविण्यासाठी विनंती केल्यानंतर आपण कुमठे जिल्हा परिषद गटातून निवडणूक लढावीणार असल्याचे नुकतेच जाहीर केले असल्याने या गटाची निवडणूक रंगतदार होईल अशी चर्चा राजकीय वर्तळात आहे.
गटाच्या विकासासाठी निवडणूक लढवत आहे – रमेश उबाळे
जिल्ह्या परिषद- पंचायत समिती निवडणुकीचे आरक्षण झाल्यानंतर कुमठे जिल्हा परिषद गटातील अनेक कार्यकर्त्यांनी तसेच सर्वसामान्य घातकातील लोकांनी आपणास निवडणूक लढावीण्याची विनंती केली आहे. कार्यकर्त्यांच्या आग्राहाखातीर तसेच कुमठे गटाच्या विकासाचा अनेक वर्षांचा बॅकलॉग भरून काढण्यासाठी आपण ही निवडणूक लढवत असल्याची प्रतिक्रिया रमेश उबाळे यांनी व्यक्त केली आहे.
राजकीय पक्षातुन की अपक्ष निवडणुकीच्या रिंगणात ?
भारतीय जनता पार्टी, राष्ट्रवादी काँग्रेस, पीपल्स रिपब्लिकन पार्टी असा रमेश उबाळे यांचा राजकीय प्रवास राहिला आहे. पीपल्स रिपब्लिकन हा पक्ष महायुतीचा घटक पक्ष असल्याने रमेश उबाळे पीपल्स रिपब्लिकन पार्ट्यातून की अपक्ष निवडणुकीच्या रिंगणात उतरणार याची जोरदार चर्चा राजकीय वर्तुळात आता रंगु लागली आहे.
