बॉक्सिंगमध्ये हिंदवी स्कूलला दोन पदके
सातारा- जळगाव येथे आयोजित राज्यस्तरीय सबज्युनियर बॉक्सिंग स्पर्धेत हिंदवी पब्लिक स्कूलच्या दोघांनी दोन पदके मिळवली.
या स्पर्धेमध्ये हिंदवी स्कूलच्या रुद्र विशाल झोरे याने ४६-४९ किलो वजनी गटात सुवर्णपदक पटकावले. त्याची जालंधर (पंजाब) येथे होणाऱ्या राष्ट्रीय बॉक्सिंग स्पर्धेसाठी महाराष्ट्र संघात निवड करण्यात आली आहे, तसेच १४ वर्षांखालील मुलींच्या ४९-५२ किलो वजन गटात तनिष्का राहुल कडव हिने उत्कृष्ट कामगिरी करत रौप्यपदक प्राप्त केले आहे.
या निवडीबद्दल श्रीनिधी एज्युकेशन सोसायटीचे अध्यक्ष अमित कुलकर्णी, हिंदवी पंचकोशाधारित गुरुकुलच्या कार्यकारी संचालिका रमणी कुलकर्णी, मुख्याध्यापिका ज्योती सुपेकर, उपमुख्याध्यापिका शिल्पा पाटील, शिक्षक व पालकांनी अभिनंदन केले.
