वादळी वाऱ्यासह मुसळधार पावसात महाकाय वडाचे झाड कोसळले; शेड व तीन दुचाकींचे नुकसान
सातारा(श्रीरंग काटेकर ): सातारा शहरातील वर्य हद्दीतील हॉटेल ग्रीन चिली लगत असलेले महाकाय वडाचे झाड दुपारी अचानक कोसळल्याने परिसरात एकच खळबळ उडाली. या घटनेत पत्र्याचे शेड तसेच तीन दुचाकी वाहनांचे मोठ्या प्रमाणात नुकसान झाले आहे.
दुपारी वादळी वारे आणि मुसळधार पावसामुळे हे झाड कोसळल्याचे सांगण्यात येत आहे. सुदैवाने या घटनेत कोणतीही जीवितहानी झाली नाही. झाड कोसळताच परिसरातील नागरिकांनी घटनास्थळी धाव घेतली.दरम्यान, सातारा शहर व परिसरात मुसळधार पावसासह गारांचा जोरदार मारा झाला. अचानक बदललेल्या वातावरणामुळे नागरिकांची धावपळ उडाली. संबंधित प्रशासनाकडून नुकसानग्रस्त भागाची पाहणी करण्यात येत आहे.
