श्रीराम फिटनेसचे ‘पुस्तकाच्या गावात’ भव्य उद्घाटन; अत्याधुनिक उपकरणांसह भिलारमध्ये फिटनेसचा नवा अध्याय युथ आयकॉन नितीन भिलारे दादा यांच्या हस्ते उद्घाटन
पाचगणी (प्रतिनिधी )पुस्तकांचे गाव म्हणून जगभरात प्रसिद्ध असलेल्या भिलार येथे आरोग्यदायी आणि सुदृढ पिढी घडवण्याच्या दृष्टीने एक महत्त्वपूर्ण पाऊल उचलण्यात आले आहे. भिलारमधील तरुणाईसाठी अत्याधुनिक सोयी-सुविधांनी व दर्जेदार उपकरणांनी सज्ज अशा ‘श्रीराम फिटनेस’ या व्यायामशाळेचा (जिम) नुकताच अत्यंत उत्साहपूर्ण वातावरणात भव्य उद्घाटन सोहळा संपन्न झाला.
या व्यायामशाळेचे उद्घाटन परिसरातील युवा नेते व उद्योजक नितीन भिलारे दादा यांच्या हस्ते फित कापून करण्यात आले. यावेळी उपस्थितांना संबोधित करताना, आजच्या धकाधकीच्या युगात प्रत्येकाने आपल्या आरोग्याकडे लक्ष देणे गरजेचे असून तरुणांनी मैदानी खेळ आणि व्यायामाची आवड जपली पाहिजे, असा संदेश मान्यवरांनी दिला.
अत्याधुनिक आणि जागतिक दर्जाच्या उपकरणांची सोय
स्थानिक युवकांना उत्तम शरीरसौष्ठव आणि आरोग्यासाठी शहराच्या ठिकाणी जावे लागू नये, यासाठी या जिममध्ये RSF (डायनामिक सिरीज) च्या अत्याधुनिक मशीन्स आणि साहित्याची सोय करण्यात आली आहे:
स्नायू बळकटीकरणाच्या मुख्य मशीन्स (Strength Equipment):
छातीच्या व्यायामासाठी पेक डेक (Pec Dec) मशीन
पायांच्या स्नायूंसाठी लेग कर्ल, लेग एक्स्टेंशन आणि लेग प्रेस मशीन
पाठीच्या (बॅक) व्यायामासाठी हाय लॅट पुल डाऊन विथ रोविंग मशीन
सर्वसमावेशक व्यायामासाठी फंक्शनल ट्रेनर मशीन
वजन आणि इतर पूरक साधने ,
सुरक्षित वजनांच्या व्यायामासाठी स्मार्ट स्मिथ आणि स्क्वॉट रॅक
पाठीच्या खालील भागासाठी (लोअर बॅक) हायपर एक्स्टेंशन
बायसेप्सच्या व्यायामासाठी प्रिचर बेंच
गरजेनुसार अँगल बदलता येणारा ॲडजस्टेबल बेंच
पोटाच्या (ॲब्स) व्यायामासाठी लेग रेझर
पायांच्या पिंडऱ्यांच्या व्यायामासाठी सीटेड काफ मशीन
मनगटाच्या शक्तीसाठी रिस्ट कर्ल आणि पाठीसाठी इनक्लाइन टी-बार
विविध वजनांच्या वेट प्लेट्स, बारबेल रॉड्स आणि सुरक्षेसाठी १० मिमी रबर मॅटिंग (फ्लोअरिंग)
या सोहळ्यास राजेंद्र आबा भिलारे यांच्यासह कृष्ण भिलारे, शेखर भिलारे, रोहित भिलारे, राजेश गावडे, सचिन काटकर, प्रज्वल भिलारे, रूपक भिलारे आणि साहील भिलारे यांच्यासह परिसरातील अनेक मान्यवर, ग्रामस्थ आणि क्रीडाप्रेमी तरुण मोठ्या संख्येने उपस्थित होते.
भिलार व परिसरातील युवकांना शारीरिक तंदुरुस्तीसाठी (फिजिकल फिटनेस) एकाच छताखाली आधुनिक उपकरणे आणि योग्य मार्गदर्शनाची सोय उपलब्ध झाल्यामुळे सर्व उपस्थितांनी आयोजकांचे कौतुक केले व जिमच्या पुढील वाटचालीस शुभेच्छा दिल्या.
