येवती येथे शिवतेज सामाजिक संस्थेच्या वतीने शिवजयंती निमित्त मोफत नेत्र तपासणी शिबिर व भव्य लेझीम पथकाचा कार्यक्रम
कराड (प्रतिनिधी) -येवती ता. कराड येथील शिवतेज सामाजिक संस्थेच्या वतीने महाराष्ट्राचे आराध्य दैवत छत्रपती शिवाजी महाराज यांच्या शिवजयंती चे आयोजन केले असून, सकाळी दहा वाजता मान्यवरांच्या हस्ते महाराजांच्या मूर्तीस पुष्पहार अर्पण करण्यात येईल त्यानंतर सकाळी 10 30 वा. शिवतेज सामाजिक संस्थेच्या वतीने रोटरी क्लब मलकापूर/ संस्कार आय हॉस्पिटल कराड डॉ राहुल फासे यांच्या संयुक्त विद्यमाने मोफत नेत्र तपासणी शिबिराचे आयोजन केले असून सकाळी 10 ते दुपारी 2 वाजेपर्यंत हे शिबिर संपन्न होणार आहे.
सायंकाळी 6 वा. येवती येथील 35 हिरकणींचे भैरवनाथ लेझीम पथक( भन्नाट ग्रुप) व शिवकालीन पोवाडा हा कार्यक्रम देखील सादर होणार आहे, सदर कार्यक्रमास सर्व ग्रामस्थांनी उपस्थित राहून लाभ घ्यावा असे आवाहन शिवतेज सामाजिक संस्थेच्या वतीने करण्यात आले आहे.
