पेट्रोल-डिसेलचा पुरवठा सुरळीतपणे होण्यासाठी खंडाळा तहसिल कार्यालयात नियंत्रण कक्षाची स्थापना
सातारा दि. 16: जागतिक परिस्थिती आणि इंधन पुरवठा साखळीतील संभाव्य ताण लक्षात घेता, खंडाळा तालुक्यातील नागरिकांना एलपीजी (LPG) आणि पेट्रोल-डिसेलचा पुरवठा सुरळीतपणे होणे आवश्यक आहे. अनेक ठिकाणी नागरिकांकडून भीतीपोटी अतिरिक्त साठा केला जाण्याची शक्यता असल्याने टंचाई निर्माण होवू शकते. या परिस्थितीवर नियंत्रण मिळविण्यासाठी आणि वितरणात पारदर्शकता राखण्यासाठी खंडाळा तालुका स्तरावर (पुरवठा शाखा) तालुका नियंत्रण कक्ष स्थापन करण्यात आला आहे. तरी सर्व नागरिकांनी अफवांवर विश्वास न ठेवता अधिकृत माहिती करीता व आवश्यक मदती करीता कार्यालयीन वेळेत सकाळी 9.45 ते संध्याकाळी 6.15 पर्यंत 7448007017 या क्रमांकावर संपर्क साधावा, असे आवाहन तहसिलदार खंडाळा यांनी केले.
