रामनवमी निमित्त धुमाळवाडीत रक्तदानाचा महाउत्सव; 80 तरुणांचा उत्स्फूर्त सहभाग
फलटण प्रतिनिधी -धुमळवाडी येथे रामनवमीनिमित्त रक्तदान शिबिराचे आयोजन करण्यात आले.रामनवमी निमित्त अखंड हरिनाम सप्ताह या धार्मिक कार्यक्रमाचे औचित्य साधून संपूर्ण महाराष्ट्र राज्यात फळाचे गाव म्हणून घोषित झालेल्या धुमाळवाडी, चिंचेचा मळा , येथील अमरज्योत कला व क्रीडा तरुण मंडळ ,तालुका फलटण येथील तरुण फळ उत्पादक शेतकरी युवकांनी तसेच फलटण मेडिकल फाउंडेशन यांच्या संयुक्त विद्यामनाने रक्तदान शिबिराचे आयोजन केले होते.
सदर रक्तदान शिबिरामध्ये 80 तरुण फळ उत्पादक शेतकऱ्यांनी रक्तदान केले, रामनवमी पासून सुरुवात होणाऱ्या व हनुमान जयंती पर्यंत सुरू असणाऱ्या हरिनाम सप्ताहामध्ये विविध मान्यवरांची प्रवचने तसेच कीर्तने तसेच जागर हरिपाठ यासह विविध धार्मिक व प्रबोधनात्मक उपक्रमांचे आयोजन करण्यात आले आहे,.
राम नवमी निमित्ताने आयोजित सप्ताह सोहळ्यामध्ये सतीश महाराज आवटे यांचे राम जन्म काळाचे कीर्तन झाल्यानंतर ग्रामस्थांच्या वतीने महाप्रसादाचे आयोजन करण्यात आले होते.
