देशातला HMPV व्हायरसाचा पहिला रुग्ण बंगळुरूमध्ये
प्रतिनिधी -ह्युमन मेटापन्यूमोव्हायरस व्हायरस असून डच संशोधकांनी या व्हायरसचा शोध 2001 साली लावला होता. HMPV हा मानवी श्वासोच्छवासाच्या सिंसिटिअल व्हायरस आहे . म्हणजेच हा श्वसन संस्थेवर हल्ला करतो . तसेच हा रोग लहान मुलांमध्ये जास्त आढळतो. हा व्हायरस खोकला, शिंका किंवा संक्रमित व्यक्तीच्या संपर्कातून पसरताना दिसला आहे.
HMPV व्हायरसाचा पहिला रुग्ण बेंगलोरमध्ये –कोविड-19 नंतर भारतात आता HMPV या व्हायरसाचा एक रुग्ण आढळला आहे. बंगळुरूमधील एका रुग्णालयात आठ महिन्यांच्या मुलीमध्ये HMPV व्हायरस आढळला आहे. स्थानिक आरोग्य विभागात यावर उपाय योजना सुरू असून , ही चाचणी एका खासगी रुग्णालयाने केली जात आहे. HMPV मुळे सर्दी, खोकला, ताप, श्वसनास त्रास होणे, फुफ्फुसांमध्ये सूज येणे अशी लक्षणे दिसून येतात. तसेच हा व्हायरस हिवाळ्यात जास्त प्रमाणात पसरत आहे. त्याचसोबत व्यक्तीला साधारण 3 ते 6 दिवसांपर्यंत लक्षणे जाणवतात. सध्या या व्हायरसवर ठोस असें उपचार वैद्यकीय उपलब्ध नाहीत.
डॉक्टरांनी जनतेला खबरदारीचे उपाय घेण्याचे आवाहन केले आहे. यामध्ये हात सारखे धुणे, मास्कचा वापर करणे, गर्दीच्या ठिकाणी जाण्यापासून टाळणे आणि सार्वजनिक स्वच्छता राखण्यास सांगितले आहे.
