दीपस्तंभ नारी सन्मान पुरस्कारासाठी अर्ज करण्याचे आवाहन
आंतरराष्ट्रीय महिला दिनाचे (८ मार्च) औचित्य साधून ध्यास फाउंडेशन सातारा यांनी सामाजिक बांधिलकी जपत महिलांच्या सन्मानार्थ राज्यस्तरीय ‘दीपस्तंभ नारी सन्मान पुरस्कार’ साठी अर्ज मागविण्यात आले आहेत. महाराष्ट्र राज्यातील , सर्व जिल्ह्यातून विविध कार्यक्षेत्रात आपल्या स्व:कर्तृत्वाने प्रकाशित झालेल्या, इतरांना मार्गदर्शन करणाऱ्या, कुटुंबाची जबाबदारी समर्थपणे पार पाडून समाजासाठी दीपस्तंभ होऊन पथदर्शक असणाऱ्या असामान्य महिलांचा सत्कार करण्याच्या उद्देशाने दीपस्तंभ पुरस्कारासाठी अर्ज मागविले आहेत. अशा कर्तृत्ववान महिलांची ओळख इतरांना होऊन त्यांनाही प्रोत्साहन मिळावे यासाठी महिलांना दीपस्तंभ पुरस्काराने सन्मानित केले जाणार आहे.
इच्छुक महिलांनी आपले अर्ज ५ मार्च २०२5पर्यंत फलॅट नं.४०४ , देशमुख सिटी, कूपर काॅलनी गेट नं. २ च्या समोर, सातारा या पत्यावर पाठवावेत. अधिक माहितीसाठी प्रा. डॉ. वैजयंती ओतारी, (मोबा. नंबर 9637440144) अथवा dhyaasfoundation@gmail.com मेलवर संपर्क साधावा असे आवाहन ध्यास फाउंडेशनच्या वतीने करण्यात आले आहे.
