बीबीए बीसीए सीईटी परीक्षेच्या तारखा जाहीर – नोंदणीसाठी आज शेवटची संधी!
यशोदा टेक्निकल कॅंपसमध्ये मोफत प्रवेश मार्गदर्शन सुरू
सातारा – राज्य सामायिक प्रवेश परीक्षा कक्ष, महाराष्ट्र यांच्यावतीने शैक्षणिक वर्ष 2025-26 साठी आयोजित करण्यात येणाऱ्या बीबीए बीसीए सीईटी परीक्षेच्या तारखा जाहीर करण्यात आल्या आहेत.बीबीए बीसीए सीईटी दिनांक 19 जुलै 2025, आणि 20 जुलै 2025 रोजी होणार आहे.
या परीक्षेसाठी नोंदणी करण्याची अंतिम तारीख आज – 20 जून 2025 आहे. त्यामुळे अद्याप अर्ज न केलेल्या विद्यार्थ्यांनी आजच ऑनलाइन नोंदणी पूर्ण करण्याचे आवाहन यशोदा टेक्निकल कॅंपस, सातारा यांच्यावतीने करण्यात आले आहे.
विद्यार्थ्यांच्या सोयीसाठी संस्थेमध्ये प्रवेश मार्गदर्शन व सहाय्यता केंद्र सुरू करण्यात आले असून, येथे CET अर्ज प्रक्रिया, कागदपत्र मार्गदर्शन, मॉक टेस्ट, अभ्यास टिप्स आणि शंकानिवारण यासारख्या सेवा मोफत दिल्या जात आहेत.
बीबीए बीसीए हे दोन्ही अभ्यासक्रम आयटी, व्यवस्थापन व उद्योजकता क्षेत्रातील करिअरसाठी महत्त्वपूर्ण मानले जातात. CET परीक्षा ही विद्यार्थ्यांना गुणवत्ता आधारे प्रवेश मिळवून देणारी संधी आहे.
या उपक्रमाचे मार्गदर्शन संस्थापक अध्यक्ष प्रा. दशरथ सगरे आणि उपाध्यक्ष प्रा. अजिंक्य सगरे यांच्या प्रेरणेतून होत असून, संस्थेच्या संकेतस्थळावर www.yes.edu.in किंवा थेट कॉलेजमध्ये भेट देऊन आज सायंकाळी ५ वाजेपर्यंत अर्ज करता येईल.
