इंडिया स्किल स्पर्धेत सहभागी होण्याचे आवाहन
सातारा: महाराष्ट्र शासनाचा कौशल्य विकास, रोजगार व उद्योजकता विभाग आणि भारत सरकारच्या नैशनल स्किल डेव्हलपमेंट कॉर्पोरेशनच्या वतीने आयोजित इंडिया स्किल्स २०२६-२७ या राष्ट्रीय कौशल्य स्पर्धेची नोंदणी सुरु झाली आहे. या स्पर्धेत सातारा जिल्ह्यातील पात्र युवक-युवतींनी मोठ्या संख्येने सहभागी होऊन आपल्या कौशल्याचे प्रदर्शन करावे, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राच्या सहायक आयुक्त श्रीमती. अ.मु. पवार यांनी केले आहे.
स्पर्धेतील विविध कौशल्य प्रकारांची सविस्तर माहिती आणि ऑनलाइन अर्ज प्रक्रिया https://www.skillindiadigital.gov.in/home या अधिकृत संकेतस्थळावर उपलब्ध आहे. स्पर्धेबाबत अधिक माहिती किंवा मार्गदर्शनासाठी इच्छुकांनी जिल्हा कौशल्य विकास, रोजगार व उद्योजकता मार्गदर्शन केंद्र, सातारा येथे प्रत्यक्ष भेट द्यावी किंवा ०२१६२ २३९९३८ भ्रमणध्वनी-क्रमांकावर संपर्क साधावा.
