दुसऱ्या महायुध्दामध्ये भाग घेतलेल्या माजी सैनिकांनी कागदपत्रे सादर करण्याचे आवाहन
सातारा दि. 16: दुसऱ्या महायुध्दामध्ये भाग घेतलेले माजी सैनिक, त्यांच्या विधवा यांना जिल्हा सैनिक कल्याण कार्यालय, सातारा यांचेकडून दरमहा रुपये ११ हजार एवढे अनुदान पाठविले जाते. शासनाच्या नविन नियमानुसार मिळणारे अनुदान हे थेट बँक खात्यात जमा होणार असून त्यासंबंधी आपले आधार कार्ड, पॅन कार्ड व बँकेच्या पहिल्या पानाच्या दोन झेरॉक्स प्रती जिल्हा सैनिक कल्याण कार्यालय, सातारा यांच्याकडे त्वरीत जमा करावे.
माहे मार्च २०२६ अखेर जिल्हा सैनिक कल्याण कार्यालय, सातारा येथे ज्या लाभार्थ्यांचे कागदपत्रे प्राप्त होणार नाहीत अशा लाभार्थ्यांना माहे एप्रिल २०२६ नंतरचे अनुदान पाठविण्यात येणार नाही याची संबंधितांनी नोंद घ्यावी, असेही जिल्हा सैनिक कल्याण कार्यालयाकडून कळविण्यात आले आहे.
