कौशल्य विकास विभागामार्फत स्पर्धा परिक्षा अभ्यासिकेत मोफत प्रवेशासाठी आवाहन
सातारा – कौशल्य विकास विभागामार्फत जिल्हा कौशल्य विकास रोजगार, व उद्योजकता मार्गदर्शन केंद्र, सातारा अधिनस्त ग्रंथालय सदृश्य स्पर्धा परिक्षा अभ्यासिकेत अभ्यास करण्यासाठी उमेदवारांना प्रवेश देणे चालू आहे. जिल्ह्यातील ज्या उमेदवारांना बँकिंग, लिपिक, नेट, सेट, टेट तसेच महाराष्ट लोकसेवा आयोग, केंद्रीय लोकसेवा आयोग व सरळसेवा या स्पर्धा परिक्षांचा अभ्यास करावयाचा असेल त्यांनी अभ्यासिकेला विनामुल्य शासकीय अभ्यासिकेत मर्यादित आसन क्षमता असल्याने गरजु व अभ्यासू उमेदवारांनीच आपला प्रवेश घ्यावा, असे आवाहन सहायक आयुक्त, श्रीमती अ.मु. पवार यांनी केले आहे.
अभ्यासिकेतून आतापर्यंत बऱ्याच उमेदवारांची विविध शासकीय नोकऱ्यांसाठी शासनाच्या विविध विभागात निवड झालेली आहे. या अभ्यासिकेत अभ्यास करण्यासाठी अद्यायवत स्पर्धा परिक्षा पुस्तके वाचनास उपलब्ध करुन देण्यात येते. गरजू व अभ्यासू विद्यार्थ्यांनी या विभागाच्या शासकीय www.mahaswayam.gov.in या पोर्टल वर जावून एम्प्लायमेंट कार्ड तयार करावे. आधार कार्ड व एम्पलॉयमेंट कार्ड झेरॉक्स जमा करुन आपण ग्रंथालय सदृश्य अभ्यासिकेत प्रवेश घ्यावा. प्रवेशाबाबत काही अडचण असल्यास कार्यालयाच्या ०२१६२-२३९९३८ या दुरध्वनीवर संपर्क साधण्याचे आवाहनही या कार्यालयाकडून करण्यात आले आहे.
