आजचे राशिभविष्य : ५ एप्रिल शनिवार
मेष
मेष राशीच्या जातकांसाठी आजचा दिवस शुभ असून नशिबाची साथ प्रत्येक कामात असेल. धन संपत्तीच्या बाबतीत तुम्ही काही योजना आखल्या असतील तर त्या यशस्वी होतील आणि व्यवसायात मनासारखा फायदा होईल. आज खूप आनंदी असणार आहात. नोकरीत काही बदल होऊ शकतात, त्यामुळे तुमचे सहकारी थोडे अस्वस्थ होतील. आज परोपकाराच्या कार्यात व्यस्त राहाल आणि तुमच्या चांगल्या वागणुकीचा तुम्हाला फायदा मिळेल.
वृषभ
वृषभ राशीच्या जातकांसाठी आजचा दिवस यशाने भरलेला असून तुम्ही कुटुंबासोबत तुमचे यश साजरे करणार आहात. धनवृद्धी होणार असून अचानक एखादे अडलेले काम पूर्ण झाल्याने मनावरचा भार हलका होईल. दुपारनंतर चांगली बातमी मिळेल आणि धनलाभाचे योग आहेत. रात्री अचानक एखाद्या महत्त्वाच्या कामासाठी बाहेर जावे लागेल, ते काम नीट पूर्ण कराल आणि तुमचा सन्मान वाढेल.
मिथुन
मिथुन राशीच्या लोकांसाठी आजचा दिवस शुभ आहे. तुमच्याकडे आई-वडिलांचा आशीर्वाद आणि वरिष्ठ अधिकाऱ्यांची कृपा असेल त्यामुळे आज संपत्ती प्राप्तीचा योग आहे. एखादी मौल्यवान वस्तू तर नक्की मिळू शकते. तुम्ही दिवसभर कामात व्यस्त राहणार आहात. अनावश्यक खर्च टाळा आणि कामावर फोकस कायम ठेवा. वाहन चालवताना काळजी घेणे खूप गरजेचे आहे.
कर्क
कर्क राशीच्या लोकांसाठी आजचा दिवस अत्यंत उत्तम आहे. अचानक धनलाभाचे योग जुळून येतील, ज्यामुळे तुम्हाला आनंद होईल. तुमचे अडकलेले पैसे किंवा पेंडीग पेमेंट परत मिळण्याची शक्यता आहे. आर्थिक स्थिती मजबूत होणार असून व्यावसायिक योजनांना गती मिळेल. तुमचा मान-सन्मान वाढेल आणि रखडलेली कामे पूर्ण झाल्यामुळे डोक्यावरचे ओझे कमी होईल.
सिंह
सिंह राशीचे जे जातक राजकीय क्षेत्रात आहेत त्यांना मोठं यश मिळेल.व्यवसायात तुमचा सन्मान होणार आहे. मुलांबद्दल तुमची जी काही जबाबदारी आहे त्यातील काही जबाबादारी पूर्ण कराल. स्पर्धा कोणतीही असो तुम्हाला यश मिळेल. रखडलेली कामे पूर्ण होतील आणि आर्थिकदृष्ट्या फायदा होणार आहे. तब्येतीची काळजी घ्या.
कन्या
कन्या राशीच्या जातकांसाठी आजचा दिवस फायदा देणार आहे. तुमच्या कामाचा वेग दुप्पट होणार आहे. कामे पटापट मार्गी लागल्यामुळे मनावरचे ओझे कमी होईल. कुटुंबासह नातेवाईकांकडूनही सुखद अनुभव येतील. क्रिएटीव्ह कामात तुम्ही अधिक रुची घेणार आहात. अनेक समस्यांचे एकाच वेळी समाधान होईल आणि आर्थिक फायदा मिळेल. संध्याकाळीअचानक आर्थिक लाभ होऊ शकतो.
तूळ
तुळ राशीच्या लोकांसाठी शिक्षण आणि स्पर्धात्मक परीक्षांमध्ये यश मिळेल. तुमच्यासाठी उत्पन्नाचे नवीन स्रोत तयार होत आहेत त्याचा लाभ घ्या. तुमचे बोलणे अत्यंत प्रभावी आहे, त्याचा कामात उपयोग करा. प्रत्येक कार्यात सन्मान मिळेल. मात्र, जास्त धावपळीमुळे तब्येतीवर परिणाम होऊ शकतो, त्यामुळे काळजी घ्या. जोडीदाराचा पूर्ण पाठिंबा मिळेल. प्रवास सुखद आणि लाभदायक आहेत, तेव्हा अजिबात टेन्शन घेवू नका.
वृश्चिक
वृश्चिक राशीच्या जातकांना आर्थिक फायदा होणार आहे, तसेच आर्थिक स्थिती बळकट असेल. अचानक धनलाभ होण्याची शक्यता आहे. तुमची कामे काही कारणामुळे होत नव्हती पण आज ती मार्गी लागतील. प्रियजनांशी भेट झाल्यामुळे खूप आनंद होईल. तुम्ही आज आवर्जून बोलण्यावर नियंत्रण ठेवा आणि कामावर जास्त फोकस करा. कुटुंबासह वेळ घालवणार आहात. त्यामुळे मन आनंदी आणि समाधानी असेल.
धनु
धनु राशीच्या लोकांना आर्थिक फायदा होईल. आज घरगुती गोष्टी खरेदी कराल आणि त्यात जास्त खर्च होईल. भौतिक सुखसुविधा वाढतील. आज तुमचे सहकारी किंवा नातेवाईक तुमचे टेन्शन वाढविणार आहेत. आर्थिक व्यवहार करताना काळजी घ्या, अन्यथा नुकसान होऊ शकते. सरकारी कामांसाठी कोर्ट-कचेरी किंवा शासकीय ऑफिसमध्ये चकरा वाढू शकतात, पण शेवटी विजय तुमचाच असेल.
मकर
मकर राशीच्या जातकांना व्यवसायात अपेक्षित लाभ होणार आहे. तसेच आर्थिक योजना यशस्वी होतील. आर्थिक स्थिती आधीपेक्षा अधिक बळकट होईल. आज कामाच्या शैलीत तुम्हाला अनेक बदल करावे लागू शकतात. स्पर्धात्मक परीक्षा दिली असेल तर त्यात यश मिळेल. कुटुंबातील जबाबदाऱ्या पूर्ण करण्यात काही प्रमाणात यश मिळणार आहे.
कुंभ
कुंभ राशीच्या जातकांसाठी आजचा दिवस आव्हानात्मक असू शकतो. अचानक काही कारणामुळे तुमची धावपळ वाढेल. खर्च देखील वाढण्याची शक्यता आहे. मात्र, धन संपत्तीच्या बाबतीत फायदा होणार आहे. आज जो काही खर्च कराल तो विचारपूर्वक करा, अन्यथा आर्थिक नुकसान होऊ शकते. कायदेशीर बाबी काळजीपूर्वक तपासून घेणे गरजेच आहे. संध्याकाळी कुटुंबासोबत मस्त वेळ घालवणार आहात. त्यामुळे मानसिक समाधान मिळेल.
मीन
मीन राशीच्या लोकांसाठी आरोग्याच्या दृष्टिकोनातून आजचा दिवस काहीसा अनुकूल असणार आहे. तुम्हाला तुमच्या पैशाशी संबंधित समस्यांपासून बऱ्याच अंशी दिलासा मिळेल. जर तुम्ही पूर्वी एखाद्याला पैसे उधार दिले असतील तर आज ते तुम्हाला परत देखील मिळू शकतील. सासरच्या मंडळींकडून तुम्हाला मान मिळताना दिसत आहे.
