सौरभ नलवडेंच्या उत्तुंग कामगिरीचा सार्थ अभिमान वाटतो-मदनराव जगताप
गौरीशंकर च्या चेतना स्कूलचा माजी विद्यार्थ्याचे भारतीय नौदलात सब लेफ्टनंट पदी निवड संस्थेतर्फे उचित सत्कार
सातारारोड- गौरीशंकर चे चेतना इंग्लिश मिडियम स्कूल (भक्तवडी ) सातारारोड येथील शैक्षणिक वर्ष सन २०१४ – १५ च्या बॅचमधील माजी विद्यार्थी सौरभ सुनील नलवडे यांनी उत्तुंग कामगिरी करून भारतीय नौदल (नेव्ही ) मध्ये त्याची सब लेफ्टनंट पदी निवड झाली आहे. त्यांनी प्राप्त केलेल्या यशाबद्दल नुकताच गौरीशंकर नॉलेज सिटी चे अध्यक्ष मदनराव जगताप यांच्या हस्ते त्याचा उचित सत्कार करण्यात आला.
यावेळी संस्थेचे उपाध्यक्ष मिलिंद जगताप, प्रशासकीय अधिकारी नितीन मुडलगीकर, प्राचार्या सविता नलवडे, सुनील नलवडे आदी प्रमुख उपस्थित होते. यावेळी बोलताना मदनराव जगताप म्हणाले की सौरभ सुनील नलवडे यांनी प्रतिकूलतेमध्ये प्राप्त केलेले यश निश्चित अभिमानास्पद आहे. राष्ट्र सेवेचे ध्येय ठेवून वाटचाल करणाऱ्या या माजी विद्यार्थ्यांचा आम्हाला सार्थ अभिमान वाटतो.
माजी विद्यार्थी सौरभ नलवडे म्हणाला की शैक्षणिक ज्ञानाबरोबरच स्कूल मधून दिले जाणारे राष्ट्रसेवेचे संस्कार माझ्या भविष्यातील वाटचालीसाठी प्रेरक ठरले. सौरभ नलवडे याची नेव्ही मध्ये सब लेफ्टनंट पदी निवड झाल्याबद्दल सातारारोड मधील पंचक्रोशीतील ग्रामस्थांकडून त्याचे कौतुक करण्यात आले.
सौरभ नलवडे यांनी प्राप्त केलेल्या याच्याबद्दल संस्थेचे संचालक डॉ. अनिरुद्ध जगताप ,जयवंतराव साळुंखे, आप्पा राजगे, जनसंपर्क अधिकारी श्रीरंग काटेकर व सर्व शिक्षक शिक्षकेतर कर्मचारी यांनी त्याचे अभिनंदन केले.
