केळघर येथे हनुमान जन्मोत्सवानिमित्त दोन दिवसीय धार्मिक व सांस्कृतिक कार्यक्रमांचे आयोजन
केळघर:श्री. हनुमान जन्मोत्सव निमित्त येथील जय हनुमान मित्र मंडळ यांच्या वतीने बुधवार (ता:१)व गुरुवारी(ता:२) विविध धार्मिक कार्यक्रमांचे आयोजन करण्यात आले आहे. अशी माहिती मंडळाच्या वतीने देण्यात आली.जय हनुमान मित्र मंडळाच्या वतीने दरवर्षी हनुमान जन्मोत्सव निमित्त विविध कार्यक्रम आयोजित करण्यात येतात.
बुधवारी संध्याकाळी पाच वाजता श्री. हनुमानाची मिरवणूक संपूर्ण गावांतून काढण्यात येणार आहे. गुरुवारी (ता.२) सकाळी सहा वाजता अभिषेक होणार असून दुपारी दोन वाजता सत्यनारायण महापूजा होणार आहे. दुपारी तीन ते पाच या वेळेत महिलांसाठी हळदी-कुंकू कार्यक्रम आयोजित करण्यात आला आहे. संध्याकाळी पाच नंतर महाप्रसाद होणार असून रात्री दहा वाजता मनोरंजनपर कार्यक्रम होणार आहे. तरी वरील सर्व कार्यक्रमांचा लाभ भाविक-भक्तांनी घ्यावा, असे आवाहन जय हनुमान मित्र मंडळ व ग्रामस्थ मंडळ केळघर यांनी केले आहे.
