दत्ताशेठ बांदल यांना “सातारा प्राईड 2026” पुरस्कार जाहीर
पाचवड (सातारा) : नमकीन व स्नॅक्स उत्पादन क्षेत्रात अग्रगण्य ठरलेल्या श्री कैलाश फूड इंडस्ट्रीजचे प्रमुख उद्योजक दत्तात्रय शिवाजी बांदल (दत्ताशेठ बांदल) यांना “सातारा प्राईड 2026” पुरस्कार जाहीर करण्यात आला आहे.
एका छोट्या उद्योगातून सुरू झालेला कैलाश फूड्सचा प्रवास आज महाराष्ट्रातील नामांकित नमकीन उत्पादक म्हणून ओळखला जातो. बांदल परिवाराच्या नेतृत्वाखाली या उद्योगाने संपूर्ण पश्चिम महाराष्ट्रात आपले भक्कम व्यावसायिक जाळे निर्माण केले आहे.
कैलाश फूड्समध्ये पारंपारिक चव आणि आधुनिक तंत्रज्ञानाची सांगड घालून विविध खाद्यपदार्थ तयार केले जातात. मिक्स फरसाण, लसूण मिक्स, मद्रास मिक्स, विविध शेव, भडंग भेल, उपवास व फराळी चिवडा, बटाटा वेफर्स, आलू भुजिया, शेंगदाणा चिक्की, पेढा, कलाकंद, बासुंदी तसेच पाणीपुरी व पावभाजी मसाल्यासारखे रेडी-टू-मिक्स मसाले ग्राहकांमध्ये लोकप्रिय आहेत. विशेषतः त्यांच्या बासुंदीला ग्राहकांकडून मोठी पसंती मिळत आहे.
उत्पादनातील स्वच्छता, दर्जा आणि मसाल्यांची नैसर्गिक चव ही कंपनीची ओळख बनली आहे. सातारा जिल्ह्यासह पुणे व संपूर्ण पश्चिम महाराष्ट्रात त्यांचे मजबूत वितरण जाळे असून, या उद्योगामुळे स्थानिक ग्रामीण भागातील ५० ते १०० हून अधिक लोकांना, विशेषतः महिलांना, रोजगाराची संधी उपलब्ध झाली आहे.
त्यांच्या या यशस्वी उद्योजकीय कार्याची दखल घेत सातारा मीडिया सेव्हन यांच्या वतीने दिला जाणारा प्रतिष्ठेचा “सातारा प्राईड 2026” पुरस्कार दत्ताशेठ बांदल यांना जाहीर करण्यात आला आहे. त्यांच्या निवडीबद्दल उद्योग व सामाजिक क्षेत्रातून अभिनंदनाचा वर्षाव होत आहे.
